ۇكىمەت • 16 اقپان، 2021

ۇكىمەت Nur Otan-نىڭ سايلاۋالدى باعدارلاماسىن ىسكە اسىرۋ جونىندەگى جول كارتاسىن بەكىتتى

27 رەت كورسەتىلدى

ۇكىمەت وتىرىسىندا قر پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆ Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىندا ەلباسى مەن مەملەكەت باسشىسى بەرگەن تاپسىرمالالاردى ورىنداۋ اياسىندا اتقارىلاتىن ءىس-شارالار تۋرالى باياندادى، دەپ حابارلايدى Egemen.kz.

ءا. سمايىلوۆتىڭ ايتۋىنشا، تاپسىرمالاردى ساپالى ءارى تولىققاندى ىسكە اسىرۋ ماقساتىندا ۇكىمەت Nur Otan فراكتسياسى جانە پارتيانىڭ ورتالىق اپپاراتىمەن بىرلەسىپ ارنايى جول كارتاسىن ازىرلەدى. جول كارتاسى سايلاۋالدى باعدارلاماسىنىڭ 4 باعىتىن ىسكە اسىرۋ بويىنشا 362 تارماقتى قامتيدى. «جول كارتاسىنىڭ بارلىق نىسانالى شارالارى مەن ينديكاتورلارى جاۋاپتى مەملەكەتتىك ورگانداردى بەكىتە وتىرىپ، جىلدار، سالالار جانە وڭىرلەر بويىنشا بولىنەدى»، دەدى پرەمەر-ءمينيستردىڭ ءبىرىنشى ورىنباسارى. 

بيىل اقپان ايىندا جول كارتاسى پارلامەنت ءماجىلىسى دەپۋتاتتارىنىڭ قاتىسۋىمەن وتكەن «Nur Otan» پارتياسى فراكتسياسىنىڭ وتىرىسىندا قارالىپ، ماقۇلداندى. پارتيا فراكتسياسى جىل سايىن اقپان ايىندا جول كارتاسىن ىسكە اسىرۋ بارىسى تۋرالى ۇكىمەتتى تىڭداۋدى جوسپارلاپ وتىر.

وسىعان بايلانىستى، ءا. سمايىلوۆتىڭ ايتۋىنشا، جول كارتاسىن جۇزەگە اسىرۋ بويىنشا شتاب قۇرۋ كەرەك. بۇل رەتتە، جۇمىس ورگانى رەتىندە ۇلتتىق ەكونوميكا مينيسترلىگىن بەلگىلەۋ ۇسىنىلادى. شتاب وتىرىسىن اپتاسىنا ءبىر رەت وتكىزۋ جوسپارلانعان، وندا جول كارتاسىنىڭ ءىس-شارالارىن ىسكە اسىرۋ ماسەلەلەرى قارالادى. شتاب جۇمىسى بويىنشا بارلىق اقپارات تۇراقتى تۇردە پرەمەر-مينيسترگە باياندالادى.

ء«اربىر ورتالىق مەملەكەتتىك جانە جەرگىلىكتى اتقارۋشى ورگاندا جاۋاپتى ورىنداۋشى رەتىندە ءبىرىنشى باسشىنىڭ ورىنباسارى بەكىتىلىۋى كەرەك. سونداي-اق جول كارتاسىنىڭ ىسكە اسىرىلۋىن مونيتورينگىلەۋ جانە تالداۋمەن عانا اينالىساتىن جوبالاۋ توپتارى قۇرىلۋى ءتيىس»، دەپ اتاپ ءوتتى ءا. سمايىلوۆ.

سونىمەن قاتار ۇلتتىق ەكونوميكا مينيسترلىگى مۇددەلى مەملەكەتتىك ورگاندارمەن بىرلەسىپ: ينديكاتورلاردىڭ سەرپىندى جانە تۇراقتى مونيتورينگىن قامتاماسىز ەتۋ ءۇشىن جول كارتاسى كورسەتكىشتەرىنىڭ تسيفرلىق كارتاسىن ازىرلەۋى ءتيىس;

شتابتىڭ قاراۋىنا شىعارا وتىرىپ، جول كارتاسىنىڭ نىسانالى ينديكاتورلارىنا تۇراقتى مونيتورينگتى جۇزەگە اسىرۋى قاجەت.

«جول كارتاسى – پارتيانىڭ باعدارلاماسىن ىسكە اسىرۋ بويىنشا ۇكىمەتتىڭ الداعى 5 جىلعا ارنالعان ناقتى ءىس-قيمىل جوسپارى. بارلىق شارانى ساپالى ىسكە اسىرۋ حالىقتىڭ ءومىر ءسۇرۋ ساپاسى مەن ءال-اۋقاتىن ارتتىرۋعا مۇمكىندىك بەرەدى»، دەپ تۇيىندەدى ءا. سمايىلوۆ.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار