قوعام • 16 اقپان، 2021

وتانداسىمىز ايگىلى يلون ماسكتىڭ جوبالار بايقاۋىندا توپ جاردى

54 رەت كورسەتىلدى

وتانداسىمىز سانجار تايجان ءوز كومپانياسىمەن «Not-A-Boring Competition» بايقاۋىنىڭ فينالىنان توبە كورسەتتى. ەندى ولار جۋىردا  يلون ماسكپەن كەزدەسەدى، دەپ حابارلايدى Egemen.kz

Mيللياردەر يلون ماسك قۇرعان The Boring Company Not-A-Boring Competition كونكۋرسىنىڭ نەگىزىن قالادى.

ول بايقاۋدى وتكەن جىلدىڭ 8 شىلدەسىندە جاريالادى.  جوبانىڭ نەگىزگى بولىگى – قۇبىرلار مەن تۋننەلدەر جۇيەسى، ونىڭ ىشىندە اۋا جوق) جانە Tesla ەلەكتروموبيلدەرىنە ارنالعان توننەلدەردىڭ قۇنىن تومەندەتىپ، قۇرىلىسىن تەزدەتەتىن تەحنولوگيا قۇرۋى كەرەك.

The Boring Company اتاپ وتكەندەي، تۋننەلدەر جاساۋ قازىر تىم باياۋ: بۇرعىلاۋ ماشينالارى ۇلۋعا قاراعاندا 14 ەسە باياۋ قوزعالادى. سوندىقتان تۋننەلدەردى تەز قازۋعا ارنالعان بايقاۋدىڭ ۇيىمداستىرۋشىلارى قاتىسۋشىلاردى «ۇلۋدى جەڭە الاسىڭ با؟» دەگەن سۇراققا جاۋاپ بەرۋگە شاقىرادى.

«مەن وسى كونكۋرس تۋرالى وقىعاندا مەن Warwick Boring كومانداسىن جيناي باستادىم، ونىڭ قۇرامىنا 30 ادام كىردى، نەگىزىنەن ينجەنەر-مەحانيك ماماندىعىندا وقيتىن ۆارۆيك ۋنيۆەرسيتەتىنىڭ ستۋدەنتتەرى. سونىمەن قاتار كوماندا جەتەكشىلەرىنىڭ ءبىرى اعىلشىن توم چەنون بولدى. ءبىز جاتتىعۋدىڭ 3D ءپروتوتيپىن جاسادىق، ەكى كەزەڭنەن ءوتتى، فينالعا جەتتىك جانە وسى جازدا اقش-قا The Boring Company-دا تەحنولوگيامىزدى تەكسەرىپ، يلون ماسكپەن كەزدەسۋىمىز كەرەك»، دەدى تايجان.

2021 جىلى 11 اقپاندا 23 جاستاعى سانجار تايجان The Warwick Boring 12 فيناليست تىزىمىنە ەنگەنى تۋرالى اقپارات الدى.

«ولار ماعان ءبىزدىڭ كوماندانىڭ 12 فيناليست اراسىندا بولعانىن جازدى. فينالعا الەمنىڭ تۇكپىر-تۇكپىرىنەن كەلگەن كوماندالاردىڭ 3% جۋىعى كەلدى. بۇل كەرەمەت! مەن ءالى سەنە المايمىن»، دەپ ءبولىستى سانجار.

وسى ورايدا كومپانيا جارىسقا 390 كوماندا قاتىسۋعا ءوتىنىش بىلدىرگەنىن ناقتىلادى.

سانجار تايجان 2015 جىلى الماتىداعى رەسپۋبليكالىق فيزيكا-ماتەماتيكا مەكتەبىن ءبىتىرىپ، 2017 جىلى ۋورۆيك ۋنيۆەرسيتەتىنە وقۋعا ءتۇستى. جوو QS بويىنشا الەمدەگى توپ-60 ۋنيۆەرسيتەتتەر قاتارىنا كىرەدى.

سوڭعى جاڭالىقتار

ۇقساس جاڭالىقتار