سونىڭ ىشىندە العاشقى مەديتسينالىق-سانيتارلىق كومەك كورسەتۋ ۇيىمدارىنان – 283, مەديتسينالىق جەدەل جاردەم كورسەتۋ مەكەمەسىنەن – 83, ينفەكتسيالىق اۋرۋحانادان – 54 مەديتسينا قىزمەتكەرى, سانيتاريالىق-ەپيدەميالىق باقىلاۋ قىزمەتىنەن – 59 جانە 226 باسقا دا مەكەمە قىزمەتكەرلەرى ەگىلدى.
بۇل جونىندە بۇگىن دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ اقپاراتتىق-كوممۋنيكالىق ورتالىقتا وتكەن بريفينگ كەزىندە ايتتى.
– ۆاكتسيناتسيا ەرىكتى تۇردە جاسالۋدا. مىندەتتى تۇردە ۆاكتسيناتسيالاۋعا پروفيلاكتيكالىق ەگۋگە قارسى كورسەتىلىمدەرى جوقتار جىبەرىلەدى. ەكپە الارعا دەيىن دارىگەردىڭ مىندەتتى تەكسەرۋى جۇرگىزىلەدى. دارىگەر ۆاكتسينالاۋدان كەيىن مۇمكىن بولاتىن جاناما اسەرلەرى تۋرالى ەسكەرتىپ, جادىناما بەرىپ جاتىر. ۆاكتسيناتسيا العاندارعا مەديتسينالىق باقىلاۋ تالاپقا سايكەس ۇيىمداستىرىلىپ, جۇرگىزىلىپ جاتىر. بۇگىنگى كۇنى كوروناۆيرۋس ينفەكتسياسىنا قارسى ەكپە ەگىلگەن ازاماتتاردىڭ دەنساۋلىعى قاناعاتتانارلىق. ۆاكتسيناتسيالانعاندار اراسىندا ەكپەدەن كەيىن اسقىنۋلار تىركەلمەدى, – دەدى قالانىڭ باس دارىگەرى.
سونىمەن قاتار باسقارما باسشىسى قالاداعى ەپيدەميالىق جاعدايدىڭ تۇراقتى ەكەنىن جەتكىزدى.
شىمكەنت قالاسىندا 2020 جىلدىڭ 24 ناۋرىزىنان 2021 جىلدىڭ 12 اقپانىنا دەيىنگى ارالىقتا COVID-19 اۋرۋىنىڭ 5 984 جاعدايى تىركەلدى. ونىڭ ىشىندە 3054 سيمپتومدى, 2930 سيمپتومسىز. ەمدەلىپ شىققاندار سانى – 5 448, قايتىس بولعاندار - 94.
وتكەن تاۋلىكتە COVID-19 ينفەكتسياسىن جۇقتىرعان 9 جاعداي تىركەلدى.
بۇگىندە قالادا 1 060 توسەك – ورىن بار, ونىڭ 889 توسەك – ورنى بوس. جۇقپالى جانە كارانتيندىك اۋرۋحانالاردا 171 ناۋقاس ەم قابىلداۋدا نەمەسە تولىمدىلىعى 16% قۇرايدى (سونىڭ ىشىندە كۆي 38, جرۆي 108, پنەۆمونيا 25, كارانتيندىك 0). قالادا كوۆيدتىڭ ىقتيمال تولقىنىنا ءۇش ستسەناري (ا,ۆ,س) بويىنشا تولىعىمەن دايىندىق جۇمىستارى جۇرگىزىلگەن.
