كارديولوگيا جانە ىشكى اۋرۋلار عزي وپەراتسيا جاساۋ بلوگى مەن جاساندى قاناينالىم زەرتحاناسى بار كارديوحيرۋرگيا بولىمشەسىندە كارديوحيرۋرگيالىق وپەراتسيالاردىڭ بارلىق تۇرلەرى جاسالادى.
2020 جىلى تەگىن مەديتسينالىق كومەكتىڭ كەپىلدىك بەرىلگەن كولەمى مەن ءمامس شەڭبەرىندە 328 كارديوحيرۋرگيالىق وپەراتسيا جاسالدى. بۇل 2019 جىلمەن سالىستىرعاندا 93 كوپ.
كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتاەۆتىڭ ايتۋىنشا, جۇرەك ىرعاعى بۇزىلىستارىنىڭ ەڭ كوپ تارالعان ءتۇرى مەن قاۋىپتىسى –جۇرەك كەمىستىگى جانە جۇرەكتىڭ يشەميالىق اۋرۋلارىمەن ءجيى بىرىگەتىن جۇرەكشەلەر فيبريللياتسياسى.
مۇنداي جاعدايلاردا جۇرەك اقاۋلارىن جۇرەك قاقپاقشالارىنا پلاستيكا قويۋ جانە الماستىرۋ نەمەسە كورونارلىق شۋنتتاۋ –پاتسيەنتتىڭ ءومىر ءسۇرۋ ساپاسىن قالپىنا كەلتىرە قويمايدى. ولاردىڭ ءومىر ءسۇرۋ ساپاسى جۇرەك كەمىستىگى, جيا جانە جۇرەكشەلەر فيبريللياتسياسىن ءبىر مەزەتتە ەمدەگەن جاعدايدا عانا جاقسارادى.
«2020 جىلدان باستاپ ءبىزدىڭ بولىمشەدە جۇرەكتىڭ قاقپاقشا كەمىستىگى نەمەسە يشەميالىق اۋرۋىمەن بىرگە جۇرەك ىرعاعىنىڭ بۇزىلىستارىن ەمدەۋ ءۇشىن اشىق جۇرەككە كريوابلياتسيا وپەراتسياسى جاسالىپ كەلەدى.قازىرگى تاڭدا پاتسيەنتتەردىڭ اۋىر ساناتىنا كومەكتەسە وتىرىپ, ءبىز وسى تەحنولوگيانى ءساتتى قولدانىپ كەلەمىز», دەيدى رۇستەم تولەۋتاەۆ.
رۇستەم تولەۋتاەۆتىڭ ايتۋىنشا, كارديوحيرۋرگتار كومانداسىنىڭ تاجىريبەسى جۇرەككە ەڭ كۇردەلى وپەراتسيالاردى جاساۋعا مۇمكىندىك بەرەدى. جۇرەكشەنىڭ سول جاق قۇلاقشاسىن كليپتەي وتىرىپ توراكوسپيالىق راديوجيىلىكتى ابلياتسيا, سونىمەن قاتار جۇرەكشە فيبريللياتسياسى جانە ترومبوەمبوليالىق اسقىنۋلارى مەن ءينسۋلتتىڭ جوعارى قاۋپى بار پاتسيەنتتەرگە وقشاۋلانعان توراكوسپيالىق كليپتەۋ وپەراتسيالارى جاسالادى. جۇرەك ىسىگى بولعان جاعدايدا وپەراتسيالار ستاندارتتى دا,سونىمەن بىرگە كەۋدەنى كەسپەي ءازينۆازيۆتى ادىسپەن دە جاسالادى.
«كارديوحيرۋرگيا بولىمشەسىنىڭ اورتوكورونارلىق شۋنتتاۋ كەزىندەگى تاعى ءبىر ەرەكشەلىگى – شۋنتتار بويىنشا قان اعىمىن ولشەۋ جانە وپەراتسيا كەزىندە ولاردىڭ ساپاسىن انىقتاۋ, بۇل شۋنتتار جۇمىسىنىڭ ۇزاق مەرزىمدىلىگىنە كەپىلدىك بەرۋگە ىقپال ەتەدى.
قوسالقى پاتولوگياسى بار پاتسيەنتتەردە كەزدەسەتىن كۇردەلى جاعدايلاردا, ستاندارتتى تەحنولوگيالاردى قولدانۋ جوعارى قاۋىپپەن بايلانىستى بولعان كەزدە, جاساندى قاناينالىمنىڭ «جابىق كونتۋرى» جاڭا تەحنولوگياسىن قولدانا وتىرىپ وپەراتسيالار جاسالادى. مۇنداي وپەراتسيالار قاۋىپتەردى ازايتۋعا جانە وپەراتسيادان كەيىن پاتسيەنتتىڭ دەنساۋلىعىن قالپىنا كەلتىرۋگە مۇمكىندىك بەرەدى», دەيدى دارىگەر.
