«اتىراۋ وبلىسىنىڭ اۋماعىندا ەپيدەميولوگيالىق جاعداي تۇراقتالعانعا دەيىن شارۋاشىلىق جانە (نەمەسە) وزگە دە قىزمەتپەن جانە حالىقتىڭ تىنىس-تىرشىلىگىنىڭ ەرەكشە جاعدايلارىمەن شەكتەۋ شارالارى ۇزارتىلسىن. شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا COVID-19 كوروناۆيرۋستىق ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن» دەلىنگەن قاۋلىدا.
جاڭا قاۋلىعا سايكەس تەڭىز كەن ورنىندا دا كارانتيندىك شەكتەۋ شارالارى ەپيدەميولوگيالىق جاعداي تۇراقتالعانعا دەيىن ۇزارتىلعانى بەلگىلى بولدى.
«تەڭىزشەۆرويل» جشس, تەڭىزدەگى جەدەل شتاب, مەردىگەرلىك ۇيىمداردىڭ جانە باسقا كاسىپورىنداردىڭ باسشىلارىنا ۆاحتالىق ادىسپەن جۇمىس ىستەيتىن جۇمىسشىلار اراسىندا كوروناۆيرۋستىق ينفەكتسيانىڭ تارالۋىن بولدىرماۋ ءۇشىن COVID-19 وشاقتارىن وقشاۋلاۋ بويىنشا ناقتى ءىس-شارالار جوسپارىن ازىرلەۋ, ينفەكتسيا جۇقتىرعان ناۋقاستاردى وقشاۋلاۋ ءۇشىن تەڭىز كەن ورنىندا قوسىمشا كارانتيندىك ورىندار اشۋ جۇكتەلىپ وتىر.
جاڭا قاۋلى 11 اقپاندا ساعات 00:00-دە كۇشىنە ەنەدى.
