ەلدىڭ وڭتۇستىگىندەگى چيندجۋ قالاسىندا مىسىقتىڭ كوروناۆيرۋس جۇقتىرۋ دەرەگى انىقتالعان. وسىدان كەيىن ۇكىمەت ءۇي جانۋارلارىنان سىناما الۋ باعدارلاماسىن ەنگىزۋدى ماقۇلدادى.
سىناما تەك قىزۋ, تۇشكىرۋ جانە تىنىس الۋ قيىندىقتارى سياقتى اۋىرۋ بەلگىسى بار جانۋارلاردان الىنادى. ونىڭ ءوزىن ۆەتەرينارى بار كوشپەلى بريگادا جۇرگىزەدى. كوروناۆيرۋس راستالعان جاعدايدا, ءۇي جانۋارى يەسىنىڭ تۇرعىلىقتى جەرى بويىنشا 14 كۇنگە وقشاۋلانادى.
سەۋلدەگى كارانتين شارالارىن باقىلاۋ وفيتسەرى پاك يۋ ميدىڭ ايتۋىنشا, وقشاۋلاۋ ءۇشىن ارنايى ورىندار قاراستىرىلماعان. ويتكەنى ۆيرۋستىڭ جانۋاردان ادامعا جۇعۋ دەرگى تىركەلمەگەن. الايدا جانۋار يەسى اۋىرىپ, قامقورلىق جاساۋعا جاعدايى كەلمەسە, ءۇي جانۋارىن ارنايى ورىنعا الىپ كەتەدى.
ايتا كەتەيىك, وڭتۇستىك كورەيا بيلىگى 2020 جىلدىڭ 24 قاراشاسىنان باستاپ ەل استانسى مەن باسقا دا بىرقاتار قالادا الەۋمەتتىك اراقاشىقتىق شارالارىن ەكىنشى دەڭگەيگە دەيىن كۇشەيتتى.
