قازاقستان قارۋلى كۇشتەرى قاراعاندى وبلىسى اۋماعىنداعى جولدا قالىپ قويعان 120 ادامدى قۇتقاردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
قارلى بۇرقاسىندا «الماتى – ەكاتەرينبۋرگ» تراسساسىندا, ياعني قاراعاندى قالاسىنان 47 شاقىرىم قاشىقتىقتا 12 جۇك كولىگى, 10 جەڭىل اۆتوكولىك, سونداي-اق جۇرگىنشىلەر مىنگەن اۆتوبۋس جولدا قالعان. قار ۇيىندىلەرىنىڭ بيىكتىگى كەي جەرلەردە 2 مەترگە دەيىن جەتتى. كولىكتەردى قاۋىپسىز ايماققا ورنالاستىرۋ ءۇشىن سپاسسكتەگى وقۋ-جاتتىعۋ ورتالىعىنىڭ قولباسشىلىعى ارنايى تەحنيكا بولگەن.
جالپى ايتقاندا, اسكەري قىزمەتشىلەر جارتى جولدا قالعان ازاماتتاردىڭ دىتتەگەن جەرىنە جەتۋىنە كومەك بەردى. ال ءوز كەزەگىندە قار قۇرساۋىنان قۇتقارىلعاندار, قۇتقارۋ جاساعىنىڭ باسشىسى, مايور لەونيد ماكلاكوۆقا جانە بىرقاتار اسكەري قىزمەتشىلەرگە العىستارىن ايتتى.
قارۋلى كۇشتەردىڭ اپاتتىق-قۇتقارۋ توبى كەز-كەلگەن ۋاقىتتا قازاقستاندىقتارعا كومەككە كەلۋگە ءازىر.
باقىتبەك كەنەش ۇلى.
دەرەككوز: قورعانىس مينيسترلىگى
فوتو: « 1ەۋرازيا» تەلەارناسى.
