امەريكالىق اۋەكومپانيالاردىڭ قىزمەتىن پايدالاناتىن جولاۋشىلارعا ۇشۋ كەزىندە بەتپەردە تاقپاۋعا رۇقسات ەتىلدى.
جاڭا ەرەجەلەردى اقش-تا اۋرۋلاردى باقىلاۋ جانە الدىن الۋ ورتالىعى بەكىتتى. كۇنتىزبەلىك ءۇش كۇن ىشىندە جاسالعان كوروناۆيرۋسقا تەرىس تەست سەرتيفيكاتى بار جولاۋشىلار ۇشۋ كەزىندە بەتپەردە تاعۋدان باس تارتا الادى.
ماسەلەن, الەمدەگى ەڭ ءىرى American Airlines اۋەكومپانياسىنىڭ جولاۋشىلارى ۇشۋ الدىندا كەمىندە 72 ساعات بۇرىن اۋەكومپانيانىڭ ارنايى كومەك كومانداسىن بەتپەردە تاعۋدان بوساتىلعانى تۋرالى حاباردار ەتۋى كەرەك. بۇعان جول بەرمەۋ ءۇشىن ليتسەنزيالانعان مەديتسينالىق قىزمەت كورسەتۋشىدەن قۇجاتتاما, سونداي-اق كەتكەننەن كەيىن كۇنتىزبەلىك ءۇش كۇن ىشىندە تاپسىرىلعان COVID-19 تەستىنىڭ تەرىس ناتيجەسىن راستاۋ نەمەسە COVID-19-دان ساۋىققانى تۋرالى مالىمەتتى تاپسىرۋى كەرەك.
اقش-تىڭ Alaska Airlines ماگيسترالدىق اۋەكومپانياسى جولاۋشىلاردان جوسپارلانعان رەيستەردەن كەم دەگەندە بەس كۇن بۇرىن جاسالعان كوروناۆيرۋس سىناعىنىڭ تەرىس ناتيجەسى تۋرالى انىقتامانى تالاپ ەتەتىنىن حابارلادى.
سونىمەن قاتار, Delta AirLines اۋەكومپانياسى بورتتا بەتپەردە كيگىسى كەلمەيتىن جولاۋشىلاردان اۋەكومپانيا ۇسىناتىن مەديتسينالىق ماماننان ۆيرتۋالدى تەكسەرۋدەن ءوتۋدى تالاپ ەتەدى.
ءۇش اۋەكومپانيادا قورعانىس بۇيىمىن تاعۋ ەرەجەسىن ساقتاي وتىرىپ, باسقا جولاۋشىلار ءۇشىن بىرقاتار ەرەكشەلىكتى قاراستىرادى. اتاپ ايتقاندا, بەتپەردەنى كىشكەنتاي بالالارعا نەمەسە بەلگىلى ءبىر اۋرۋلارى بار ادامدارعا كيۋگە بولمايدى. سونىمەن قاتار, بەتپەردەنى شەشۋگە تاماق نەمەسە سۋسىن ءىشۋ كەزىندە رۇقسات ەتىلەدى.
پاندەمياعا بايلانىستى اقش-تا جولاۋشىلار تاسىمالى شامامەن 95 پايىزعا تومەندەدى. الەمدەگى ەڭ باي ادامداردىڭ ءبىرى ۋوررەن باففەت ءساۋىر ايىندا اقش-تىڭ جەتەكشى ءتورت تاسىمالداۋشى كومپانيالارىنداعى ءوز ۇلەسىن (اكتسياسىن) ساتقانىن ايتتى.
