تايلاند سايلاۋ كوميسسياسى پارلامەنتتىڭ كەزەكتەن تىس سايلاۋىنا قاتىسۋعا نيەت بىلدىرگەن 34 ساياسي پارتيانىڭ قۇجاتتارىن قابىلدادى. بۇل تۋرالى يتار-تاسس حابارلادى.
كوميسسيا جەتەكشىسى سۋپاچاي سومچاروەننىڭ ايتۋى بويىنشا, ولارعا بارلىق قۇجاتتاردى تەكسەرىپ, سايلاۋعا تىركەۋ جونىندە شەشىم قابىلداۋ ءۇشىن بىرنەشە كۇن قاجەت. بانگكوكتا پارتيالار تاراپىنان ۇسىنىلعان ۇمىتكەرلەردى تىركەۋ 23-27 جەلتوقسان ارالىعىندا جۇزەگە اسىرىلادى. سۋپاچاي سومچاروەن ۇكىمەتكە قارسى ەرەۋىلشىلەردىڭ سايلاۋدى بۇزۋعا قانشا ارەكەت ەتكەنىمەن ءىس-شارا مەزگىلى مەن وتكىزىلەتىن ورنى وزگەرمەيتىنىن العا تارتتى.
بۇگىن بانگكوكتاعى قۇجاتتار قابىلداۋ شاراسى وتكەن تاي-جاپون سپورت الاڭىن ەرەۋىلشىلەر قورشاپ الدى. مۇندا تەك توعىز پارتيا عانا قۇجاتتارىن تاپسىرىپ ۇلگەرگەن. قالعاندارى الاڭعا كىرە الماي, قۇجاتتارىن جاقىن جەردەگى پوليتسيا ۋچاسكەلەرىنە تاپسىرۋعا ءماجبۇر بولعان.
ايدار ورىسباەۆ.
دەرەككوز: Itar-tass.com
فوتو: News.tochka.net
