مەديتسينا • 08 اقپان، 2021

COVID-19 قارسى ۆاكتسينا 65 جاستان اسقان ادامدار ءۇشىن ءتيىمسىز بە؟

142 رەت كورسەتىلدى

كەيبىر بۇقارالىق اقپارات قۇرالدارىندا COVID-19 قارسى ۆاكتسينانىڭ تيىمدىلىگىنىڭ تومەن، تەك 8% ەكەندىگى تۋرالى اقپارات جاريالاندى، دەپ حابارلايدى Egemen.kz stopfake.kz سايتىنا سىلتەمە جاساپ.

نەمىس عالىمدارى AstraZeneca پرەپاراتىنا قاتىستى وسىنداي قورىتىندى جاساعان ەكەن. بۇل اقپاراتتى گەرمانيانىڭ فەدەرالدى ۇكىمەتى مەن ءوندىرۋشى كومپانيا وكىلدەرى رەسمي تۇردە جوققا شىعاردى.

بۇل جاڭالىق العاش رەت HANDELSBLATT نەمىس باسىلىمىندا ۇستىمىزدەگى جىلدىڭ 26 قاڭتارىندا شىققان. ماقالا اۆتورى ۆاكتسينانىڭ تيىمدىلىگى تومەن ەكەندىگى تۋرالى اقپاراتتى تىكەلەي فەدەرالدى ۇكىمەت مۇشەلەرىنەن العانىن حابارلادى.

الايدا، كەيىننەن ۇكىمەتتىڭ ءوزى بۇل جايتتى جوققا شىعاردى.

ء«بىر قاراعاندا، ەسەپتەردە ەكى نارسە ارالاسقان سياقتى. AstraZeneca تيىمدىلىگىن زەرتتەۋگە قاتىسۋشىلاردىڭ شامامەن 8%-ى 56-دان 69 جاسقا دەيىنگى ادامدار، تەك 3- 4 پايىزى عانا 70 جاستان اسقاندار. بىراق بۇل ەگدە جاستاعى ادامدار ءۇشىن تيىمدىلىك تەك 8% قۇرايدى دەگەندى بىلدىرمەيدى»، دەپ مالىمدەدى ۇكىمەت وكىلى.

AstraZeneca كومپانياسىنىڭ رەسمي وكىلدەرى دە بۇل اقپاراتتى جوققا شىعارىپ، ەگدە جاستاعى ادامداردى ۆاكتسينالاۋدىڭ جوعارى تيىمدىلىگى قان اناليزىمەن دالەلدەنگەنىن جەتكىزدى.

بۇل دەرەكتەر Lancet عىلىمي جۋرنالىندا جاريالانعان ۆاكتسينانىڭ كلينيكالىق زەرتتەۋلەرى تۋرالى ەسەپتەر دە راستايدى.

دەمەك، 65 جاستان اسقان ادامدار اراسىندا COVID-19 قارسى ۆاكتسينانىڭ تيىمدىلىگى تومەن ەكەندىگى تۋرالى حابارلامالار نەگىزسىز بولىپ تابىلادى. HANDELSBLATT باسىلىمى تاۋەلسىز فاكتچەكەرلەرگە اقپارات كوزدەرى تۋرالى دەرەكتەردى نەمەسە قانداي دا ءبىر وزگە راستايتىن مالىمەتتەردى ۇسىنباعانىن اتاپ وتكەنىمىز ءجون. 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار