پاۆلودار وبلىسىنىڭ ورتالىعىنا ورناتىلعان شىرشاعا قاتىستى داۋ شىقتى. بۇل تۋرالى «24 kz» حابارلادى.
وسىدان ءبىراز ۋاقىت بۇرىن جەرگىلىكتى وڭىردەگى قوعام بەلسەندىلەرى شىرشانى ورناتۋعا بيۋدجەتتەن بولىنگەن 38 ملن. تەڭگەگە كۇمان كەلتىرىپ, بۇل اسقان ىسىراپشىلدىق دەپ داۋ كوتەرگەن بولاتىن. بۇل نارازىلىقتى قازىر قارجى پوليتسياسىنىڭ وكىلدەرى تەكسەرۋ ۇستىندە. «شىرشانى ورناتۋعا كەتكەن قارجى شىعىنى تەكسەرىلۋدە. وعان ارنايى ساراپتاما تاعايىندالدى. ونىڭ ناتيجەسى بويىنشا پروتسەسسۋالدى شەشىم قابىلدانادى»,-دەيدى وبلىستىق قارجى پوليتسياسى دەپارتامەنتىنىڭ ءباسپاسوز حاتشىسى سامال احمەديانوۆا.
ەلىمىزدەگى بىرقاتار اقپارات قۇرالدارى وسى وڭىردەگى شىرشاعا قاتىستى حابار ءتۇسىرىپ, دايەكتەر كەلتىردى. سونىڭ بىرىندە پاۆلوداردا ورناتىلعان شىرشانىڭ قۇنى جەكەلەگەن الەم ەلدەرىندەگى باعادان اسىپ تۇسكەندىگى ايتىلدى. قۇقىق قورعاۋ قىزمەتكەرلەرى ناقتى ءبىر شەشىمگە كەلمەيىنشە, بۇل توڭىرەكتەگى اڭگىمە ازىرگە باسىلمايتىن سىڭايلى...
باقىتبەك كەنەش ۇلى.
دەرەككوز: «24 kz»
فوتو: «24 kz».
