اقش ءوز ازاماتتارىن وڭتۇستىك سۋداننىڭ بور قالاسىنان قاۋىپسىز ايماققا كوشىردى. بۇل تۋرالى يتار-تاسس حابارلادى.
اقش مەملەكەتتىك دەپارتامەنتى ءباسپاسوز قىزمەتىنىڭ جەتەكشىسى دجەن پساكيدىڭ ايتۋى بويىنشا, ولار وڭتۇستىك سۋداننان 380 ازاماتىن, سونداي-اق وزگە ەلدەردىڭ 300-گە جۋىق وكىلىن قاۋىپسىز ايماققا كوشىرىپ ۇلگەرگەن. بۇلاردىڭ بارلىعى كورشىلەس كەنيا, نايروبي مەن وزگە دە افريكا مەملەكەتتەرىنە جەتكىزىلدى.
بۇدان بۇرىن اقش وڭتۇستىك سۋدانداعى جاعدايدى قالپىنا كەلتىرۋگە كومەكتەسۋ ءۇشىن, بۇل جەرگە ءوزىنىڭ ارنايى وكىلى دونالد بۋتتى جىبەرەتىنىن مالىمدەگەن ەدى. سەنبى كۇنى اقش مەملەكەتتىك حاتشىسى دجون كەرري وڭتۇستىك سۋدان پرەزيدەنتى سالۆاتورە كيرعا تەلەفون ارقىلى قوڭىراۋ شالىپ, وسى ماسەلە جونىندە حاباردار ەتتى. ولار ەتنيكالىق باعىتتا وربىگەن ارازدىقتى توقتاتۋ جونىندە پىكىر الماسىپ, قاقتىعىس ايماعىنان قاشۋعا ءماجبۇر بولعان ادامداردىڭ قاۋىپسىزدىگىنە الاڭداۋشىلىق ءبىلدىردى.
ايدار ورىسباەۆ.
دەرەككوز: Itar-tass.com
فوتو: Itar-tass.com
