سيريادا شيتتەردىڭ ۋمم-امەد اۋلىندا مينالانعان اۆتوكولىككە مىنگەن جانكەشتى لاڭكەس مەكتەپ عيماراتتارى كەشەنىنە سوعىلعان. بۇل تۋرالى يتار-تاسس حابارلادى.
سانا اگەنتتىگىنىڭ اقپارى بويىنشا, جارىلىس سالدارىنان 20 ادام قازا بولعان, ونىڭ كوبىسى بالالار.
سيريانىڭ سولتۇستىگىندەگى دەراا پروۆينتسياسىندا ورنالاسقان شىركەۋگە وق جاۋدىرىلدى. ول كەزدە سەگىز ادام قازا بولعان. ونىڭ ۇشەۋى بالالار. تاعى ءتورت ادام اكىمشىلىك عيماراتىندا ورىن العان جارىلىستان قازا تاپتى.
سيريا اسكەرىنىڭ داماسك ماڭايىندا جۇرگىزىپ جاتقان ۇرىس قيمىلدارى بارىسىندا بىرقاتار قارۋلى توپتىڭ كوزى جويىلدى. ولار دۋما, حاراستا, دجۋبار مەن دارايا ەلدى مەكەندەرىندە تەرروريستەرگە قارسى ءىس-شارالارىن جالعاستىرۋدا.
سانا اگەنتتىگى سونداي-اق الەپپوداعى ءىرى مەديتسينا ورتالىعىنا شابۋىل جاسالعانىن حابارلادى. ونى قورعاۋعا اتسالىسقان جۇزگە جۋىق ساربازدىڭ ءۇش مىڭ سودىرعا قارسى تۇرۋلارىنا تۋرا كەلدى. ورتالىقتى شابۋىلمەن الا الماعان سودىرلار ەكى مينالانعان اۆتوكولىكتى ىسكە قوسقان. كۇشتى جارىلىستاردىڭ ناتيجەسىندە اۋرۋحانا قيراپ قالدى. اسكەريلەر اراسىندا قازا بولعانداردىڭ ناقتى سانى ازىرگە بەلگىسىز.
ايدار ورىسباەۆ.
دەرەككوز: Itar-tass.com
فوتو: Itar-tass.com
