اتىراۋ وبلىسىنىڭ بۇرىنعى اكىمى بەرگەي رىسقاليەۆ قۇرعان قىلمىستىق توپتىڭ 22 مۇشەسىنە قاتىستى قىلمىستىق ءىس وبلىستىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قاراۋىنا كەلىپ ءتۇستى. وسى قىلمىستىق ءىس 777 تومنان تۇرادى. بۇل تۋرالى «قازاقستان» تەلەارناسى حابارلادى.
بەرگەي رىسقاليەۆ ونىڭ اعاسى امانجان رىسقالي مەن ولاردىڭ 9 سىبايلاسى حالىقارالىق ىزدەۋدە. ولارعا قاتىستى قىلمىستىق ءىستىڭ ماتەريالدارى جەكە وندىرىسكە شىعارىلدى.
ب. رىسقاليەۆ ۇيىمداستىرعان قىلمىستىق توپ مەملەكەتكە جانە وزگە تۇلعالارعا 70 ملرد.-تان استام تەڭگەگە زالال كەلتىرگەن . سوندىقتان تەرگەۋ بارىسىندا ايىپتالۋشىلاردىڭ جىلجىمالى جانە جىلجىمايتىن مۇلكىنىڭ التى جۇزگە جۋىق تۇرىنە تىيىم سالىندى.
قۇرىلعان قىلمىستىق توپتىڭ 22 مۇشەسىنىڭ اراسىندا ب. رىسقاليەۆتىڭ بۇرىنعى ءبىرىنشى ورىنباسارى بولات داۋكەنوۆ, ورىنباسارى اسقار ءابدىروۆ جانە اتىراۋ قالاسىنىڭ بۇرىنعى اكىمى اسقار كەرىموۆ تە بار. ال قازىر سوتقا كەلىپ تۇسكەن قىلمىستىق ىستەردى قارايتىن سۋديا بەلگىلەنىپ, ماتەريالدارمەن تانىسۋ ۇستىندە.
«العاشقى سوت تالقىلاۋى ۇستىمىزدەگى جىلدىڭ 24-ءشى جەلتوقسانىندا وتەدى دەپ جوسپارلانىپ وتىر. ءارى قاراي قوسىمشا مالىمەتتەردى العاشقى سوت تالقىلاۋى بىتكەننەن كەيىن حابارلايتىن بولامىز. جاريالى تۇردە وتەتىن بولسا, بەلگىلەنگەن زاڭعا ساي, بارلىق بۇقارالىق اقپارات قۇرالدارى قاتىساتىن بولادى»,-دەيدى وبلىستىق سوتتىڭ ءباسپاسوز حاتشىسى بورانباي عاليەۆ.
باقىتبەك كەنەش ۇلى.
دەرەككوز: «قازاقستان» تەلەارناسى
فوتو: Pravoektb.ru
