وندا دەپۋتاتتار 2021 جىلعى 11 اقپاندا وتەتىن سەنات وتىرىسىنىڭ كۇن ءتارتىبىن تالقىلادى.
الداعى وتىرىستا سەناتورلار «قازاقستان رەسپۋبليكاسىنىڭ ديپلوماتيالىق قىزمەتى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى. بۇل قۇجات قولدانىستاعى ديپلوماتيالىق قىزمەت تۋرالى زاڭ نورمالارىن جەتىلدىرۋگە جانە وسى باعىتتاعى ولقىلىقتاردى جويۋعا ارنالعان.
سونداي-اق, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتوم ەنەرگياسىن پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا سەنات وتىرىسىنىڭ كۇن تارتىبىنە شىعارىلدى. اتالعان زاڭ جوباسى يادرولىق تەحنولوگيالاردى قولدانۋعا, ساقتاۋعا جانە تاسىمالداۋعا قاتىستى تۋىندايتىن قاۋىپ-قاتەردى ازايتۋدى كوزدەيدى.
سونىمەن قاتار بيۋرو وتىرىسىندا ماجىلىستەن كەلىپ تۇسكەن زاڭ جوبالارى تۇراقتى كوميتەتتەرگە ءبولىنىپ بەرىلدى.
