• 22 جەلتوقسان, 2013

«شال» ءفيلمى «وسكار» ۇمىتكەرلەرى ساپىنان شىعىپ قالدى

400 رەت

كورسەتىلدى

1 مين

وقۋ ءۇشىن

Egemen Qazaqstan

08-11-13-toguzakov-1

ش.ايمانوۆ اتىنداعى «قازاقفيلم» كينوستۋدياسىندا تۇسىرىلگەن رەجيسسەر ەرمەك تۇرسىنوۆتىڭ «شال» ءفيلمى «وسكار» سىيلىعىنىڭ «شەت ەل تىلىندەگى ۇزدىك» نوميناتسياسى بويىنشا تالاستى ودان ءارى جالعاستىراتىن كارتينالار تىزىمىنە كىرمەي قالدى. بۇل تۋرالى «قازاقستان جاڭالىقتارى» اگەنتتىگى حابارلادى. «وسكارعا» ءۇمىتتى توعىزدىڭ قاتارىندا بەلگيالىق فەليكس ۆان گروەنگنەننىڭ «شەكتەلگەن شەڭبەر», بوسنيالىق دانيس ءتانوۆيچتىڭ «تەمىر جيناۋشىنىنىڭ ومىرىنەن وقيعا», كامبودجالىق ريتي پانحتىڭ «جوعالعان جاڭالىق», دات توماس ۆينتەنبەرگتىڭ «اڭشىلىق», نەمىس گەورگ مااستىڭ «ەكى ءومىر», گونكونگتىك ۆونگ كار ۆايدىڭ « ۇلى شەبەر», ۆەنگر يانوش ساستىڭ «قالىڭ داپتەر», يتاليان پاولو سوررەنتينونىڭ « ۇلى سۇلۋلىق» جانە پالەستينالىق حاني ابۋ اسسادتىڭ «ومار» دەپ اتالاتىن لەنتالارى قالدى. «شەت ەت تىلىندەگى ۇزدىك فيلم» نوميناتسياسىنان ۇمىتكەرلەر قاتارىندا ەرمەك تۇرسىنوۆتىڭ «شال» فيلمىنەن بولەك, فەدور بوندارچۋكتىڭ رەسەيدە IMAX 3D فورماتىندا تۇسىرىلگەن ءبىرىنشى كارتيناسى – «ستالينگراد» تا بولدى. «شال» پروكاتقا 2012 جىلعى 11 قازاندا شىقتى. قاراشا ايىندا ول «جىل تاڭداۋى» سىيلىعىنىڭ «جىل ءفيلمى» اتالىمى بويىنشا جەڭىمپاز تانىلدى. ال باستى رولدە ويناۋشى ەربولات توعىزاقوۆ «جىل كينواكتەرى» نوميناتسياسىنىڭ «التىن ادام» ءمۇسىنىن الدى. 2013 جىلعى قىركۇيەكتە فيلم «كينوشوك-2013» اشىق فەستيۆالىندە باس بايگە السا, اكتەر ەربولات توعىزاقوۆ ۇزدىك ەر ادام ءرولى اتالدى. بۇل ەرمەك تۇرسىنوۆتىڭ «وسكاردىڭ» لونگ پاراعىنا كىرگەن ءبىرىنشى ءفيلمى ەمەس. 2010 جىلى ونىڭ «كەلىن» كارتيناسى دا «وسكاردىڭ» تالقىلاۋىنا جاتاتىن دۇنيەلەر قۇرامىنا كىرىپ, شورت-پاراقتا اتىن قالدىردى. مۇرات ايتقوجا. دەرەككوز: قازاقستان جاڭالىقتارى.