«پوليتيچەسكيە بۋدني» YouTube-ارناسىنداعى بەينەجازبادا قازاقستاندا زەينەتاقى جاسىن تومەندەتۋ تۋرالى ايتىلادى. اۆتوردىڭ مالىمدەۋىنشە, 2021 جىلدىڭ 1 ناۋرىزىنان باستاپ ەر ادامدار 60 جاستا, ايەلدەر 55 جاستا, ال بەس جانە ودان كوپ بالالى انالار 52 جاستا زەينەتكەرلىككە شىعادى. قر پارلامەنتىنىڭ رەسمي سايتىندا مۇنداي زاڭ جوبالارىن بەكىتۋ تۋرالى اقپارات جوق.
سونىمەن قاتار ەڭبەك جانە حالىقتى الەۋمەتتىك قورعاۋ مينيسترلىگى ەلىمىزدە زەينەتكەرلىك جاستىڭ تومەندەۋى تۋرالى اقپاراتتى بىرنەشە رەت تەرىسكە شىعارعان ەدى.
– قازاقستاندا بەلگىلەنگەن زەينەتكەرلىك جاس حالىقارالىق جانە وتاندىق ساراپشىلار جۇرگىزگەن زەرتتەۋلەردىڭ ناتيجەلەرى مەن ۇزاق مەرزىمدى بولجامدارعا نەگىزدەلگەن. قازاقستانداعى زەينەتاقى جاسى حالىقارالىق تاجىريبەگە, الەمدەگى ەكونوميكالىق جانە دەموگرافيالىق جاعدايعا سايكەس كەلەدى. سوندىقتان قازاقستاندا زەينەتاقى جاسىن وزگەرتۋ تۋرالى ماسەلە قارالمايدى, – دەيدى مينيسترلىكتىڭ ءباسپاسوز حاتشىسى الەكساندر كونونەتس.
قولدانىستاعى زاڭناماعا سايكەس, ەرلەر 63 جاستا, ايەلدەر 60 جاستا قۇرمەتتى دەمالىسقا شىعادى. بۇل رەتتە ايەلدەر ءۇشىن زەينەتكەرلىك جاس 2027 جىلعا دەيىن 10 جىلدىڭ ىشىندە جىل سايىن 6 ايعا ارتىپ وتىرادى.
