قازاقستاندا تومەن بىلىكتىلىككە يە جۇمىس ورىندارى ازايىپ, جوعارى دەڭگەيلى ماماندارعا دەگەن سۇرانىس ارتقان. Finprom.kz دەرەگى بويىنشا, 2020 جىلدىڭ قاڭتار-قازان ارالىعىندا ەلەكتروندى بيرجادا 784 مىڭ ۆاكانسيا ورنالاستىرىلسا, سونىڭ 66 پايىزى بىلىكتىلىكتىڭ بولۋىن تالاپ ەتكەن. اسىرەسە, قارجى, ساقتاندىرۋ, دەنساۋلىق ساقتاۋ, اقپارات جانە بايلانىس, سالالارىندا جۇمىس بەرۋشىلەر 10 ۇمىتكەردىڭ 9-ىنان بىلىكتىلىك سۇراعان. وڭىرلەر ءبولىنىسى بويىنشا قوستاناي (ۆاكانسيانىڭ 80 پايىزى بىلىكتىلىك تالاپ ەتكەن) وبلىسىندا, نۇر-سۇلتان (79 پايىز) جانە الماتى (77 پايىز) قالالارىندا ءبىلىم-بىلىگى جوعارى ماماندارعا دەگەن سۇرانىس كۇشتى بولىپ تۇر.
قازاقستان ادام كاپيتالىن دامىتۋعا ەرەكشە كوڭىل ءبولىپ كەلەدى. ءبىلىم سالاسىن سالىنعان ينۆەستيتسيا ءبىر جىلدا 42,2 پايىزعا ءوسىپ, 301,6 ملرد تەڭگەنى قۇراعان. سونىمەن قاتار ەكونوميكانىڭ 9 سالاسىن قامتيتىن جاڭا ماماندىقتار اتلاسى قۇرىلدى.
