جاقىندا شاحماتتان الەمنىڭ 12 دۇركىن چەمپيونى, حالىقارالىق دارەجەدەگى گروسسمەيستەر اناتولي كارپوۆ قوستانايلىق شاحماتشىلاردىڭ قوناعى بولدى. ايگىلى شاحماتشى مۇندا بۇرىن دا كەلگەن بولاتىن, 2004 جىلى قالا ورتالىعىنداعى شاحمات كلۋبىندا بولىپ, سپورتشىلارمەن, قالا جۇرتشىلىعىمەن كەزدەسكەن ەدى.
جاقىندا شاحماتتان الەمنىڭ 12 دۇركىن چەمپيونى, حالىقارالىق دارەجەدەگى گروسسمەيستەر اناتولي كارپوۆ قوستانايلىق شاحماتشىلاردىڭ قوناعى بولدى. ايگىلى شاحماتشى مۇندا بۇرىن دا كەلگەن بولاتىن, 2004 جىلى قالا ورتالىعىنداعى شاحمات كلۋبىندا بولىپ, سپورتشىلارمەن, قالا جۇرتشىلىعىمەن كەزدەسكەن ەدى.
اناتولي ەۆگەنەۆيچ بۇل جولى دا بۇرىنعى ءوزى كورگەن قالالىق شاحمات كلۋبىنا كەلدى, سپورتشىلارمەن, قوستانايلىق شاحماتشىلارمەن ءجۇزدەستى, وبلىس اكىمى نۇرالى ءسادۋاقاسوۆپەن, قالا اكىمى عاۋەز نۇرمۇحامبەتوۆپەن كەزدەستى. قوستاناي قالاسىنىڭ اكىمى اتاقتى شاحماتشىعا كلۋب قابىرعاسىنا قايتادان قولتاڭباسىن قالدىرۋىن ءوتىندى. وسىدان كەيىن نۇرالى سادۋاقاسوۆ كارپوۆپەن بليتس وينادى. ارينە, ويىن گروسسمەيستەردىڭ جەڭىسىمەن اياقتالدى. اناتولي كارپوۆ وبلىس جانە قالا اكىمدەرىنە ءوزىنىڭ «كارپوۆ شاحماتتارى» دەپ اتالاتىن فيرمالىق شاحماتىن سىيلادى.
مۇنان كەيىن قوستانايلىق شاحماتشىلار كارپوۆتى ويىنعا شاقىردى. گروسسمەيستەر ءبىر مەزگىلدە 15 تاقتادا وينادى. اتاقتى شاحماتشىمەن شارشى تاقتادا كەزدەسكەن قارسىلاستارىنىڭ ون ەكىسى 10-15 جاستاعى بالالار, ۇشەۋى ەرەسەكتەر – ۇلى وتان سوعىسىنىڭ ارداگەرى يۆان كالينوۆسكي, «سادوۆود» شارۋا قوجالىعىنىڭ جەتەكشىسى ۆيكتور سيمانەنكو جانە قوستاناي قالاسى اكىمىنىڭ ورىنباسارى ۆالەري پولەشكو بولدى. قوستانايلىقتاردىڭ گروسسمەيستەرمەن تاقتا تارتىسى ەكى جارىم ساعاتقا ۇلاستى. ءبىر جارىم ساعاتتان كەيىن كارپوۆ ويىندى شاحماتتان ون بەس جاسقا دەيىنگى قىز بالالار اراسىندا الەم چەمپيونى, مەكتەپ وقۋشىلارى اراسىندا ەلىمىزدىڭ بىرنەشە مارتە چەمپيونى ديانا اساۋباەۆامەن تەڭ اياقتادى.
– 23-ءشى جۇرىستە اناتولي ەۆگەنەۆيچ ماعان تەڭ ويىندى ۇسىندى, ەگەر كەلىسپەگەنىمدە جەڭىلەر ەدىم. ونىمەن قارسىلاسۋ قيىن, –دەيدى ديانا. جاس تا بولسا ەلىمىزدىڭ نامىسىن قورعاپ جۇرگەن ديانا وسى كەزدەسۋدەن كەيىن بىرىككەن اراب امىرلىكتەرىنە شاحماتتان كەزەكتى الەم چەمپيوناتىنا قاتىسۋعا ۇشىپ كەتتى. گروسسمەيستەردىڭ تاعى ءبىر ويىنى وسى كەزدەسۋدەگى ەڭ قارت شاحماتشى يۆان كالينوۆسكيمەن تەڭ اياقتالدى. قالعان 13 پارتيادا كارپوۆ جەڭىسكە جەتتى. ويىن قورىتىندىسى 14:1 ەسەبىمەن اتاقتى شاحماتشىنىڭ پايداسىنا شەشىلدى.
ءوزىنىڭ جانكۇيەرلەرى مەن شاحمات اۋەسقويلارىن, سپورتشىلاردى جاقسى اسەرگە بولەگەن كەزدەسۋدەن سوڭ, جارتى ساعات بويى قوستانايلىقتارعا قولتاڭبا بەردى.
ءنازيرا جارىمبەتوۆا,
«ەگەمەن قازاقستان».
قوستاناي.
