2006 جىلعى 11 اقپاندا الماتى قالاسىندا التىنبەك سارسەنباي ۇلىنىڭ, ۆاسيلي جۋراۆلەۆتىڭ جانە باۋىرجان بايبوسىننىڭ ۇرلانىپ, ءولتىرىلۋى ورىن العان بولاتىن.
ىشكى ىستەر ورگاندارى تاراپىنان تەرگەۋ بارىسىندا وسى قىلمىسقا قاتىستى ادامدار انىقتالدى. ولار رۋستام يبراگيموۆ جانە تاعى 9 ادام.
2006 جىلعى 11 اقپاندا الماتى قالاسىندا التىنبەك سارسەنباي ۇلىنىڭ, ۆاسيلي جۋراۆلەۆتىڭ جانە باۋىرجان بايبوسىننىڭ ۇرلانىپ, ءولتىرىلۋى ورىن العان بولاتىن.
ىشكى ىستەر ورگاندارى تاراپىنان تەرگەۋ بارىسىندا وسى قىلمىسقا قاتىستى ادامدار انىقتالدى. ولار رۋستام يبراگيموۆ جانە تاعى 9 ادام.
ءوز كەزەگىندە يبراگيموۆ التىنبەك سارسەنباي ۇلىن ءولتىرۋگە تاپسىرىس بەرۋشى رەتىندە سول كەزدە قازاقستان رەسپۋبليكاسى پارلامەنتى سەناتىنىڭ اپپارات جەتەكشىسى قىزمەتىن اتقارعان ەرجان وتەمباەۆتىڭ اتىن ايتتى.
تەرگەۋ بارىسىندا انىقتالعان بارلىق ادامدار 2006 جىلعى 31 تامىزدا الماتى وبلىستىق سوتىمەن ۇزاق مەرزىمگە باس بوستاندىقتارىنان ايىرۋعا, ال يبراگيموۆ تىكەلەي ۇيىمداستىرۋشى جانە ورىنداۋشى رەتىندە ءولىم جازاسىنا كەسىلسە, كەيىننەن جازاسى ءومىر بويىنا باس بوستاندىعىنان ايىرۋعا اۋىستىرىلدى.
دەي تۇرعانمەن, 2012 جىلعى 16 ساۋىردە, تۇزەۋ مەكەمەسىندە جازاسىن وتەپ جاتقان يبراگيموۆ قازاقستان رەسپۋبليكاسىنىڭ جوعارعى سوتىنا جاسالعان قىلمىستىڭ بۇدان بۇرىن قۇقىق قورعاۋ جانە سوت ورگاندارىنا بەيمالىم ءمان-جايلار حابارلانعان مالىمدەمەمەن جۇگىندى.
مالىمدەمەسىندە ول ادام ولتىرگەنىن العاش رەت مويىندادى جانە مۇنداي قادامعا بارۋىنىڭ ءمان-جايىن ەگجەي-تەگجەيلى ايتىپ بەردى, سونداي-اق, التىنبەك سارسەنباي ۇلىن ولتىرۋگە شىن تاپسىرىس بەرۋشى ەرجان وتەمباەۆ ەمەس, راحات اليەۆ پەن ءالنۇر مۇساەۆ ەكەنىن حابارلادى.
قازاقستان رەسپۋبليكاسى جوعارعى سوتىنىڭ تاپسىرماسى بويىنشا قوسىمشا الىنعان جاۋاپتاردىڭ شىنايىلىعى باس پروكۋراتۋرا, ۇلتتىق قاۋىپسىزدىك كوميتەتى جانە ىشكى ىستەر مينيسترلىگى قىزمەتكەرلەرىنەن ارنايى قۇرىلعان جەدەل-تەرگەۋ توبىمەن تەكسەرىلدى.
بۇل رەتتە, قازاقستان رەسپۋبليكاسى باس پروكۋراتۋراسىنىڭ ءوتىنىشى بويىنشا تەرگەۋگە امەريكا قۇراما شتاتتارىنىڭ فەدەرالدىق تەرگەۋ بيۋروسى تىكەلەي قاتىستى.
تەرگەۋ ناتيجەلەرىمەن جاڭادان اشىلعان ءمان-جايلار ءوز دالەلىن تاپتى.
ماسەلەن, 2006 جىلى رۋستام يبراگيموۆ پوليگرافولوگيالىق زەرتتەۋ مەن اقش-تىڭ فەدەرالدىق تەرگەۋ بيۋروسىنىڭ اگەنتتەرىنە بەرگەن سۇحباتىنان كەيىن ولارعا ادام ولتىرۋگە شىن مانىندە تاپسىرىس بەرگەن راحات اليەۆ ەكەندىگىن ايتقانى انىقتالدى.
بۇل رەتتە, يبراگيموۆ اليەۆ پەن مۇساەۆتىڭ تاراپىنان ءوزىنىڭ وتباسىنىڭ قاۋىپسىزدىگىنە قاتەر توندىرىلۋىنە بايلانىستى قۇقىق قورعاۋ ورگاندارىنا رەسمي جاۋاپ بەرۋدەن باس تارتقان جانە بۇل اقپاراتتى جاريالاماۋدى سۇراعان.
قازىرگى ۋاقىتتا رۋستام يبراگيموۆتىڭ مالىمدەمەسىن تەكسەرۋ اياسىندا اقش-تىڭ فەدەرالدىق تەرگەۋ بيۋروسى بۇل اقپاراتتى ءتيىستى قۇجاتتاردى ۇسىنا وتىرىپ, راستادى.
جاڭا تەرگەۋ بارىسىندا يبراگيموۆ جەكە باس ارازدىعى مەن جەككورۋشىلىگىنە بايلانىستى ەرجان وتەمباەۆ شىن مانىندە ودان التىنبەك سارسەنباي ۇلىن سوققىعا جىعۋدى سۇراعانىن كورسەتتى. بۇل جونىندە راحات اليەۆكە ءمالىم بولعان. ول ءالنۇر مۇساەۆپەن بىرگە جاعدايدى پايدالانىپ قالعان دۇرىس دەپ شەشكەن جانە ەرجان وتەمباەۆتىڭ تاپسىرىسىن جامىلىپ, يبراگيموۆكە التىنبەك سارسەنباي ۇلىن ءولتىرۋدى مىندەتتەگەن.
يبراگيموۆتىڭ ۋاجدەرى تەرگەۋ بارىسىندا جيناقتالعان وبەكتيۆتى ايعاقتارمەن تولىقتاي راستالدى. اليەۆ پەن مۇساەۆتىڭ التىنبەك سارسەنباي ۇلىن جانە ونىڭ ەكى سەرىگىن ولتىرۋگە تاپسىرىس بەرۋگە جانە ۇيىمداستىرۋعا قاتىستىلىعى جونىندەگى نۇسقانى راستايتىن جاڭا زاتتاي ايعاقتار مەن كۋالەردىڭ جاۋاپتارى الىندى.
2013 جىلعى تامىزدا رۋستام يبراگيموۆتىڭ جانە بىرقاتار ناقتى كۋالەردىڭ ءتيىستى جاۋاپتارى اقش-تىڭ فەدەرالدىق تەرگەۋ بيۋروسىنان شاقىرىلعان پوليگرافولوگ-ماماندار تاراپىنان سەنىمدىلىك تۇرعىسىنان تەكسەرىلىپ, راستالدى.
جوعارىدا ايتىلعاندارعا بايلانىستى 2013 جىلعى 11 جەلتوقساندا باس پروكۋراتۋرا تاراپىنان قازاقستان رەسپۋبليكاسىنىڭ جوعارعى سوتىنا التىنبەك ءسارسەنباي ۇلىن, ۆاسيلي جۋراۆلەۆتى جانە باۋىرجان بايبوسىندى ءولتىرۋ جونىندەگى ءىس بويىنشا شىعارىلعان ۇكىمدى ءىشىنارا قايتا قاراۋ قاجەتتىگى تۋرالى قورىتىندى جولداندى.
2013 جىلعى 19 جەلتوقساندا قازاقستان رەسپۋبليكاسىنىڭ جوعارعى سوتى رۋستام يبراگيموۆتىڭ ارىزىن قاراۋ ناتيجەسىندە جانە جيناقتالعان جاڭا ماتەريالداردى ەسكەرە وتىرىپ, ەرجان وتەمباەۆقا قاتىستى بۇدان بۇرىن قاۋلى ەتىلگەن ۇكىمدى ءىشىنارا بۇزدى.
قىلمىستىڭ وزگە قاتىسۋشىلارىنا قاتىستى ۇكىمدى قايتا قاراۋ ءۇشىن نەگىز جوق دەپ تابىلدى, سەبەبى, قول جەتكىزىلگەن جاڭا ايعاقتار ولاردىڭ ارەكەتتەرىنىڭ سارالانۋىنا اسەر ەتپەيدى.
ءدال وسى كۇنى, 19 جەلتوقساندا جوعارعى سوت قىلمىستىق ءىستى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا قايتا قاراۋعا جىبەردى.
ءتيىستى سوت شەشىمى قابىلدانعان جاعدايدا راحات اليەۆكە جانە ءالنۇر مۇساەۆقا قاتىستى ءتىكەلەي قىلمىستىق ءىس قوزعالىپ, اقش-تىڭ فەدەرالدىق تەرگەۋ بيۋروسى قىزمەتكەرلەرىنىڭ قاتىسۋىمەن ولاردىڭ التىنبەك سارسەنباي ۇلىنىڭ, ۆاسيلي جۋراۆلەۆتىڭ جانە باۋىرجان بايبوسىننىڭ ولتىرىلۋىنە قاتىستىلىعىنا وراي الدىن الا تەرگەۋ جۇرگىزىلەتىن بولادى.
كورسەتىلگەن قۇقىقتىق پروتسەستەردىڭ ناتيجەلەرى تۋرالى قوسىمشا حابارلاناتىن بولادى.
