ەسەپ كوميتەتى سپورت جانە دەنە شىنىقتىرۋ اگەنتتىگىنىڭ 18,8 ملرد.تەڭگەنى زاڭسىز جاراتقانىن انىقتادى. بۇل تۋرالى ەسەپ كوميتەتىنىڭ رەسمي سايتى حابارلادى.
تەكسەرۋ كەزىندە جاپپاي سپورتتى دامىتۋ جونىندەگى نورماتيۆتەردىڭ ازىرلەنبەگەنى انىقتالعان. جالپى, ەلىمىزدە بالالار مەن جاسوسپىرىمدەرگە ارنالعان 477 كلۋب جۇمىس iستەيدى.وعان كەلۋشىلەر سانى – 64 مىڭ ادام. سونداي-اق 139 جوو-نىڭ تەك 56-ىندە عانا سپورتتىق كلۋبتار بار, ال 83-ىندە سپورت سەكتسيالارى جۇمىس ىستەيدى.
رەسپۋبليكا بويىنشا سپورت بازالارىنىڭ جەتىسپەيتىندىگى, ولاردىڭ ماتەريالدىق-تەحنيكالىق تۇرعىدان ناشار جابدىقتالعانى انىقتالدى. مۇنان وزگە, جاڭادان سالىنىپ جاتقان سپورت نىساندارىنىڭ پايدالانۋعا بەرۋ مەرزىمىن بۇزۋ, ينۆەستيتسيالىق جوبالاردىڭ سمەتالىق قۇنىن ۇلعايتۋ جانە ورىندالماعان جۇمىس كولەمى ءۇشىن اقى تولەۋ فاكتىلەرىن اشكەرەلەدى.سپورت سالاسىنداعى جوعارى بىلىكتى مامانداردىڭ تاپشىلىعى دا وزەكتى ماسەلە كۇيىندە قالىپ وتىر. وسى سالا بويىنشا ەسەپ كوميتەتى جالپى سوماسى 18,8 ملرد. تەڭگەنىڭ زاڭ بۇزۋشىلىعىن انىقتاپ, جاۋاپتى تۇلعالارعا ولقىلىقتىڭ ورنىن تولتىرۋدى مىندەتتەدى.
باقىتبەك كەنەش ۇلى.
دەرەككوز: ەسەپ كوميتەتى
فوتو: vita marg
