سوچيدەگى وليمپيالىق نىساندار جارىستان كەين ويىنحانالارعا اينالۋى ىقتيمال. بۇل تۋرالى Utro.ru حابارلادى.
سوچيدەگى وليمپيا ويىندارى اياقتالعان سوڭ, جارىسقا ارنالعان قۇرىلىس نىساندارى ويىنحانالارعا اينالۋى مۇمكىن. رەسەيدەگى بانك قاۋىمداستىعىنىڭ وكىلدەرى پرەمەر-مينيستر دميتري مەدۆەدەۆپەن كەزدەسۋ بارىسىندا وسى جولمەن وليمپيالىق نىسانداردىڭ قۇرىلىسىنا اتسالىسقان ينۆەستورلاردى قولداۋعا ۇسىنىس ءبىلدىردى.
«كوممەرسانت» گازەتىنىڭ اقپارى بويىنشا, پرەمەر-مينيستر ارنايى كوميسسياعا بانك قاۋىمداستىعى ۇسىنعان ماسەلەنى قاراستىرۋعا تاپسىرما بەردى. الايدا, ۇكىمەت باسشىسىنىڭ ءباسپاسوز حاتشىسى كەزدەسۋ ناتيجەسى بويىنشا ويىن الاڭدارىن قۇرۋ جونىندە ەشقانداي تاپسىرما بەرىلمەگەنىن العا تارتتى.
2009 جىلى اناپانىڭ سولتۇستىگىندە «ازوۆ-سيتي» اتتى زاڭدى ويىن ايماعى اشىلعان بولاتىن. بۇل وڭىردە ودان باسقا تاعى ءۇش ويىن ايماعى بار. كەزىندە رەسەي ونەركاسىپ قوجالارى مەن كاسىپكەرلەر وداعىنىڭ باسشىسى الەكساندر شوحين بۇلاردىڭ ءبارىن اناپادان سوچيگە اۋىستىرۋ جونىندە ۇسىنىس بىلدىرگەن بولاتىن. الايدا, گۋبەرناتور الەكساندر تكاچەۆ بۇل ۇسىنىستى قابىلدامادى.
ايدار ورىسباەۆ.
دەرەككوز: Utro.ru
فوتو: Asartplay.com
