17 جەلتوقسان كۇنى رەسەي مەن ۋكراينا باسشىلارى ۆلاديمير پۋتين مەن ۆيكتور يانۋكوۆيچ ۋكرايناداعى ەكونوميكالىق جاعدايدى تۇراقتاندىرۋ ماقساتىندا كەزدەسۋ وتكىزگەن بولاتىن. بۇل تۋرالى يتار-تاسس حابارلادى.
كەزدەسۋ ناتيجەسى بويىنشا مەملەكەت باسشىلارى بىرقاتار ماڭىزدى شارالار قابىلدايتىنىن ءمالىم ەتتى. ماسەلەن, وسى ۋاقىتقا دەيىن رەسەيدەن ۋكرايناعا تاسىمالداناتىن گازدىڭ قۇنى ءار مىڭ تەكشە مەترىنە 400 دوللاردان بولسا, 1 قاڭتاردان باستاپ بۇل باعانى 268,5 دوللارعا دەيىن تومەندەتۋگە شەشىم قابىلداندى. سونداي-اق رف ۇلتتىق ءال-اۋقات قورىنان 15 ملرد دوللاردى ۋكراينانىڭ قۇندى قاعازدارىنا قۇيۋ كوزدەلىپ وتىر. كەزدەسۋ بارىسىندا رەسەي مەن ۋكراينا ارىپتەستىگىن نىعايتۋدى قاراستىراتىن 14 قۇجاتقا قول قويىلدى.
ۋكراينا وپپوزيتسياسى مەن تاۋەلسىزدىك مايدانىنداعى ەرەۋىلشىلەر رەسەي پرەزيدەنتىنىڭ نەلىكتەن مۇنداي قادامعا بارعانىن تۇسىنە الماي وتىر. «يانۋكوۆيچ رەسەيدەن 15 ملرد. دوللار مەن گازدىڭ ءار مىڭ تەكشە مەترىنە 130 دوللاردان جەڭىلدىك الدى. جالپى ەسەپتەگەندە بارلىعى 20 ملرد. دوللاردى قۇرايدى. ءبىز يانۋكوۆيچتىڭ پۋتينگە نە بەرگەنىن بىلگىمىز كەلەدى», – دەدى «باتكيۆششينى» پارتياسىنىڭ جەتەكشىسى ارسەني ياتسەنيۋك. سونداي-اق ول يانۋكوۆيچتىڭ قول جەتكىزگەن كەلىسىمدەرى ارقاسىندا حالىقتىڭ تۇتىنۋىنا بەرىلەتىن گاز بەن تۇرمىستىق تولەم اقىسىن 30 پايىزعا دەيىن تومەندەتۋگە مۇمكىندىك بار ەكەنىن العا تارتتى.
ايدار ورىسباەۆ.
دەرەككوز: Utro.ru
فوتو: Utro.ru
