قازاقستان رەسپۋبليكاسىنىڭ تايلاند كورولدىگىندەگى توتەنشە جانە وكىلەتتى ەلشىسى مارات ەسەنباەۆ كورولدىكتىڭ مۇراگەر حانزاداسى ماحا ۆاتچيرالونگكورنعا سەنىم گراموتاسىن تاپسىردى.
قازاقستان رەسپۋبليكاسىنىڭ تايلاند كورولدىگىندەگى توتەنشە جانە وكىلەتتى ەلشىسى مارات ەسەنباەۆ كورولدىكتىڭ مۇراگەر حانزاداسى ماحا ۆاتچيرالونگكورنعا سەنىم گراموتاسىن تاپسىردى.
وتكەن ءراسىم بارىسىندا م.ەسەنباەۆ حانزاداعا قازاقستاننىڭ قازىرگى كەزەڭدەگى دامۋى جانە «قازاقستان-2050» ستراتەگياسى شەڭبەرىندەگى ەلدىڭ بولاشاعى تۋرالى حاباردار ەتتى.
مۇراگەر حانزادا قازاقستاندىق ديپلوماتتى تاعايىندالۋىمەن قۇتتىقتاپ, قازاق-تاي ىنتىماقتاستىعىنىڭ سەرپىندى داميتىنىنا جانە ەكى ەل اراسىنداعى دوستىق قارىم-قاتىناستىڭ نىعاياتىنىنا سەنىم ءبىلدىردى.
تايلاند تاعىنىڭ مۇراگەرى پرەزيدەنت نۇرسۇلتان نازارباەۆ پەن قازاقستان حالقىنا تاۋەلسىزدىكتىڭ 22 جىلدىعىنا وراي ىزگى نيەتتى قۇتتىقتاۋىن جەتكىزىپ, ودان ءارى ءوسىپ-وركەندەۋ مەن اماندىق تىلەدى, دەپ حابارلادى قر ءسىم-ءىنىڭ ءباسپاسوز قىزمەتى.
