تۇرعىن ءۇي كەشەنى شىعىس ستيلىندە سالىنادى. بۇگىنگى تاڭدا «تۇركىستان» اكك» اق باستاماشى بولعان سەرىكتەسپەن بىرلەسىپ, «Keruen Sarai» جاڭا تۇرعىن ءۇي كەشەنىن سالۋ جوباسىن ىسكە اسىرۋدا. شىعىس ستيلىندەگى تۇرعىن ءۇي كەشەنى تۇركىستان قالاسىنىڭ مادەني-رۋحاني ورتالىعىندا, قوجا احمەت ياساۋي كەسەنەسىنىڭ جانىنان سالىناتىن بولادى.
سالىنىپ جاتقان كەشەننىڭ اۋماعى ارقىلى قالانىڭ نەگىزگى جاياۋ جۇرگىنشىلەر اللەياسى وتەدى. اينالاسىندا قالاداعى جاڭا نىساندار مەن كورىكتى ورىندار ورنالاسقان. كەشەننىڭ شىعىس جاعىندا ساياباق ايماعى ورنالاسقان. تۇرعىن ءۇي اۋلاسىنا كوپجىلدىق تالدار وتىرعىزىلادى.
«Keruen Sarai» قۇرىلىسىنىڭ ءبىرىنشى كەزەگى 9 از قاباتتى بلوكتاردان تۇراتىن بولادى. جالپى جاڭا كەشەندە 1,2 جانە 3 بولمەلى پاتەرلەر مەن ەكى قاباتتى تاۋنحاۋستاردىڭ قۇرىلىسى قاراستىرىلعان. ءبىر الاڭدا ەكىدەن كوپ پاتەر بولمايدى, ال تاۋنحاۋستاردا بولەك كىرۋ قاقپالارى مەن جەكە تەرراسسالار بولادى
