وڭتۇستىك وڭىرلەردە ورتاشا تاۋلىكتىك تەمپەراتۋرا 0° ارقىلى وڭ ماندەرگە اۋىسادى. رەسپۋبليكانىڭ باسىم بولىگىندە تۇمان جانە كوكتايعاق قۇبىلىستارى قاڭتارعا قاراعاندا ءجيى بايقالادى. جاۋىن-شاشىن مولشەرى قاڭتاردان اقپانعا دەيىن ازايادى, تەك قازاقستاننىڭ تاۋلى اۋداندارىندا, كەرىسىنشە, ارتىپ كەلەدى.
كونسۋلتاتيۆتىك بولجامعا سايكەس قر باسىم بولىگىندە وڭتۇستىك جانە باتىس تسيكلونداردىڭ وتۋىمەن, يران اۋداندارىنان جىلى اۋا ماسسالارىنىڭ شىعارىلۋىمەن اۋا تەمپەراتۋراسىنىڭ جوعارىلاۋى كۇتىلەدى.
جاۋىن-شاشىن كوبىنەسە ەلدىڭ وڭتۇستىك جارتىسىندا جاڭبىر تۇرىندە, سولتۇستىك جارتىسىندا ارالاس جاۋىن-شاشىن (جاڭبىر, قار) تۇرىندە بولادى دەپ بولجانادى. سولتۇستىك وڭىرلەردە جاياۋ بۇرقاسىنمەن تۇمان, كوكتايعاق, جەلدىڭ كۇشەيۋى بولجانادى. اقپان ايىندا تسيكلوندار مەن انتيتسيكلونداردىڭ ءجيى وزگەرۋى كۇتىلەدى.
ءبىرىنشى ونكۇندىكتىڭ ورتاسىنا قاراي رەسپۋبليكا بويىنشا اۋا تەمپەراتۋراسىنىڭ جوعارىلاۋى كۇتىلەدى: باتىستا تۇندە -5+3°س دەيىن, كۇندىز -2+10°س دەيىن; سولتۇستىكتە, سولتۇستىك-باتىستا, ورتالىقتا جانە شىعىستا تۇندە 0 -10°س دەيىن, كۇندىز -5+3°س دەيىن; وڭتۇستىك-باتىستا, وڭتۇستىكتە جانە وڭتۇستىك-شىعىستا تۇندە -3+5°س دەيىن, كۇندىز + 8+15°س دەيىن. ءبىرىنشى ونكۇندىكتىڭ سوڭىندا انتيتسيكلوننىڭ ەنۋىمەن اۋا تەمپەراتۋراسى تومەندەيدى: قازاقستاننىڭ سولتۇستىگىندە, شىعىسىندا جانە ورتالىعىندا تۇندە-15-25°س دەيىن, كۇندىز-10-16°س دەيىن; ەلىمىزدىڭ باتىسىندا, سولتۇستىك-باتىسىندا تۇندە-10-18°س, كۇندىز-5-12°س دەيىن; وڭتۇستىك وڭىرلەردە تۇندە-7-15°س دەيىن, كۇندىز -5+5°س دەيىن.
ەكىنشى جانە ءۇشىنشى ونكۇندىكتەردە جىلى اۋا ماسسالارىنىڭ شىعارىلۋىمەن اۋا تەمپەراتۋراسى قايتادان كوتەرىلەدى: سولتۇستىك جارتىسىندا كۇندىز 0,-7°س دەيىن, وڭتۇستىك جارتىسىندا +5+10°س دەيىن, قيىر وڭتۇستىكتە +15°س. الايدا اۋا تەمپەراتۋراسىنىڭ ايتارلىقتاي تومەندەۋى دە جوققا شىعارىلمايدى. رەسپۋبليكانىڭ سولتۇستىك, ورتالىق جانە شىعىس وڭىرلەرىندەگى تايمىر اۋداندارىنان سۋىق اۋا ماسسالارىنىڭ ەنۋىمەن تەرمومەتر باعاندارى تۇندە -20-30°س دەيىن, كۇندىز -10-18°س دەيىن, ەلدىڭ سولتۇستىك-باتىس بولىگىندە تۇندە-10-18°س دەيىن, كۇندىز -7-12°س دەيىن, قر وڭتۇستىك جارتىسىندا تۇندە -7-12°س دەيىن, كەي جەرلەردە-15-20°س دەيىن, كۇندىز-2-13°س دەيىن تومەندەۋى مۇمكىن.
ەسكەرتپە: ءبىر ايعا ارنالعان بولجامدى كونسۋلتاتيۆتىك بولجام رەتىندە پايدالانۋ كەرەك, ول كەيىننەن سينوپتيكالىق جاعدايدىڭ وزگەرۋىنە قاراي تۇزەتىلەدى جانە ونكۇندىككە ارنالعان اۋا رايى بولجامدارىمەن ناقتىلانادى.
