الدىمەن ەرىكتى ۆاكتسينالاۋدان الماتى قالاسى اكىمىنىڭ ورىنباسارى ەرجان باباقۇماروۆ, قوعامدىق دەنساۋلىق باسقارماسىنىڭ باسشىسى ناريمان تابىنباەۆ پەن قالالىق سانيتارلىق-ەپيدەميالىق باقىلاۋ دەپارتامەنتىنىڭ باسشىسى جانداربەك بەكشين, سونىمەن قاتار ءماسليحات دەپۋتاتى, №5 قالالىق كلينيكالىق اۋرۋحانانىڭ باس دارىگەرى ب.سادىقوۆ ءوتتى. اتى اتالعان لاۋازىم يەلەرىنە ەكپە №5 قالالىق كلينيكالىق اۋرۋحانانىڭ بازاسىندا جاسالدى.
وسىلايشا, 1 اقپاننان باستاپ الماتىعا كەشكە قاراي جەتكىزىلگەن «سپۋتنيك V» ۆاكتسيناسى پايدالانىلادى جانە پرەپارات ۆاكتسيناتسيا جۇرگىزەتىن ەمحانالارعا ءبولىندى.
وقيعاعا ورايلاس, الماتى قالاسى اكىمىنىڭ ورىنباسارى ەرجان باباقۇماروۆ: «ۆاكتسيناتسيا – بۇل پاندەميامەن كۇرەستەگى شەشۋشى قادام. بۇگىن مەن ونىڭ ماڭىزدىلىعىن, قاۋىپسىزدىگىن كورسەتۋ ءۇشىن ۆاكتسينانى قابىلدادىم. جاقىندا ءوزىمىزدىڭ وتاندىق ۆاكتسينا ەگۋگە دايىن بولادى. ءبىز عالىمدارعا سەنەمىز. سوندىقتان مەن قالا تۇرعىندارىنا – بارلىعىنا وسى قادامدى جاساۋعا كەڭەس بەرەمىن. ۆاكتسينالاۋ ءجۇرىپ جاتقان كەزدە ءبىز ماسكا تاعۋدى, الەۋمەتتىك اراقاشىقتىقتى ساقتاۋدى جالعاستىرۋىمىز جانە ۆيرۋسپەن كۇرەسۋدىڭ باسقا شارالارىن قولدانۋعا ءتيىسپىز», دەدى ول.
ۆاكتسينالاۋدى جۇرگىزۋ ءۇشىن ەكپە سالاتىن پۋنكتتەردىڭ دايىندىعى تەكسەرىلدى. پروفيلاكتيكالىق ەگۋلەر جۇرگىزۋدىڭ ستاندارتتى جۇمىس ءتارتىبى بەكىتىلىپ, بارلىعى 40 بمسك انىقتالدى. يممۋنداۋ ءۇشىن الماتى قدب-دان 144 مەديتسينالىق مامان وقۋدان ءوتىپ جاتىر.
ءاربىر ەمحانادا يممۋنداۋ جۇرگىزەتىن سالقىنداتۋ جابدىقتارى بار جەكە ۆاكتسينالاۋ كابينەتتەرى بار. كابينەتتەردە دارىگەر, مەيىربيكە-ۆاكتسيناتور جانە مەيىربيكە-تىركەۋشى سياقتى ماماندار جۇمىس جاسايتىن بولادى. سونىمەن قاتار ۆاكتسينا العانداردىڭ 30 مينۋت دارىگەرلەردىڭ باقىلاۋىندا بولۋى ءۇشىن جەكە بولمەلەر دە قاراستىرىلعان.
ەرىكتى ۆاكتسينالاۋعا پروفيلاكتيكالىق ەكپەگە قارسى كورسەتكىشتەرى جوق ادامدار جىبەرىلەدى. ۆاكتسينالاۋ الدىندا دارىگەر مىندەتتى تۇردە تەكسەرۋدەن وتكىزەدى.
«سپۋتنيك V» ۆاكتسيناسىنىڭ العاشقى 2050 دوزاسى الماتىعا كەشە نۇر-سۇلتاننان رەيسپەن جەرگىلىكتى ۋاقىت بويىنشا 20:30-دا جەتكىزىلدى.
