جىل باسىنان بەرى قر ەكولوگيا, گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى براكونەرلىك فاكتىلەردى اۋىزدىقتاۋ ماقساتىندا 50-دەن استام رەيد جۇرگىزدى. ناتيجەسىندە تابيعاتتى قورعاۋ زاڭناماسىن بۇزۋدىڭ 73 فاكتىسى انىقتالدى.
52 جەكە تۇلعا اكىمشىلىك جاۋاپكەرشىلىككە تارتىلدى, 17 ماتەريال سوت ورگاندارىنا جولداندى, سونداي-اق وبلىستىق اۋماقتىق ينسپەكتسيالاردىڭ ماتەريالدارى بويىنشا قۇقىق قورعاۋ ورگاندارى 4 قىلمىستىق ءىس قوزعادى.
سونىمەن قاتار, تابيعاتتى قورعاۋ زاڭناماسىن بۇزۋشىلاردان سوت شەشىمىنە دەيىن 9 قولدانۋعا تىيىم سالىنعان بالىق اۋلاۋ قۇرالدارى, ءبىر اتىس قارۋى جانە 1655,4 كگ زاڭسىز اۋلانعان بالىق تاركىلەندى. قۇقىق بۇزۋشىلارعا 611,6 مىڭ تەڭگە سوماسىندا ايىپپۇل سالىندى, جانۋارلار مەن وسىمدىكتەر دۇنيەسىنە كەلتىرىلگەن الدىن الا زالال 8 ملن 642 مىڭ تەڭگە.
كورسەتىلگەن كەزەڭدە ينسپەكتورلار وبلىستىڭ بالىق شارۋاشىلىعى سۋ ايدىندارىنان 5 كم استام قولدانۋعا تىيىم سالىنعان بالىق اۋلاۋ قۇرالدارىن (مونوجىپتەن جانە مونوتالشىقتاردان جاسالعان تورلاردى) تاپتى جانە ونى سۋ ايدىنىنان الىپ تاستادى, جويدى.
سونداي-اق قىسقى كەزەڭدە بالىقتىڭ قىرىلۋىنىڭ الدىن الۋ ماقساتىندا تۇراقتى نەگىزدە تۇمانعا قارسى ءىس-شارالار جۇرگىزىلەدى. بۇگىنگى تاڭدا 265 شۇڭقىر, 43 جولاق كەسىلىپ, 250 قامىس شوعىرى ورناتىلدى, اتالعان جۇمىستارعا 18 بىرلىك تەحنيكا مەن 58 ادام جۇمىلدىرىلدى.
