تاۋەلسىزدىك كۇنىنىڭ قارساڭىندا بەلگىلى جۋرناليست بەرىك ءۋالي جەتەكشىلىك ەتەتىن «امانات» پىكىرسايىس ينتەللەكتۋالدىق كلۋبىنىڭ ۇيىمداستىرۋىمەن الاشوردا مەملەكەتىنىڭ 96 جىلدىعىنا جانە سول مەملەكەتتىڭ ءىزاشارى ءاليحان بوكەيحانوۆتىڭ تۋعانىنا 147 جىل تولۋىنا وراي استانادا دوڭگەلەك ۇستەل ءوتتى.
تاۋەلسىزدىك كۇنىنىڭ قارساڭىندا بەلگىلى جۋرناليست بەرىك ءۋالي جەتەكشىلىك ەتەتىن «امانات» پىكىرسايىس ينتەللەكتۋالدىق كلۋبىنىڭ ۇيىمداستىرۋىمەن الاشوردا مەملەكەتىنىڭ 96 جىلدىعىنا جانە سول مەملەكەتتىڭ ءىزاشارى ءاليحان بوكەيحانوۆتىڭ تۋعانىنا 147 جىل تولۋىنا وراي استانادا دوڭگەلەك ۇستەل ءوتتى.
العاشقى ءسوزدى سەناتور مۇرات باقتيار ۇلى الىپ, ءاليحان بوكەيحانوۆتىڭ 150 جىلدىعىن بيىك دارەجەدە وتكىزۋ جونىندە ءوزىنىڭ كەلەلى ويلارىن ورتاعا سالىپ, بۇل ىسكە بايلانىستى ءتيىستى ورىندارعا سۇراۋ سالىپ جاتقانىن جەتكىزدى. ايتۋلى كۇن يۋنەسكو دەڭگەيىندە مەرەكەلەنسە ارتىق بولماس ەدى دەگەن بايلامىن ۇسىندى. ال «الاشوردا» قوعامدىق قورىنىڭ ديرەكتورى سۇلتانحان ءجۇسىپ: «الاش كوسەمدەرى الاش اۆتونومياسىن نەگە كەش جاريالادى نەمەسە وتارشىل رەسەيدەن بولىنۋگە نەگە ۇمتىلمادى» دەگەن تاقىرىپتا بايانداما جاساپ, تاريحشىلاردىڭ ءالى دە بولسا ءتىسى باتا قويماعان ماسەلەنى جان-جاقتى قوزعاپ, ءاليحان بوكەيحاننىڭ جارىق كورىپ جاتقان تاڭدامالى شىعارمالارى جايلى بايان ەتتى.
پروفەسسورلار ز.قابىلدينوۆ, د.ماحات, ك.ءىلياسوۆا, ت.ب. الاشوردا اۆتونومياسى تۋرالى ءالى دە جۇرتقا بەلگىسىز دەرەكتەردى ءسوز ەتىپ, ۇلت كوسەمى سانالاتىن ءاليحان بوكەيحانوۆتىڭ تۋعان كۇنىن حالىقتىق مەرەكەگە اينالدىرۋ كەرەك دەگەن ويىن ەسكە سالدى. وزگە دە پىكىر بىلدىرۋشىلەر الاشوردا قوزعالىسىنىڭ اسقاق ارمانى «جاس تۇلپارعا», ۋاقىت وتە كەلە جەلتوقسان كوتەرىلىسىنە ۇشتاسقانىن, ەندىگى جەردە قازاقتىڭ ەل بولۋىنا ىرگەتاس بولىپ قالانعان وسى ءۇش كەزەڭدى كەشەندى تۇردە زەرتتەپ, زەردەلەۋ كەرەك ەكەنىن ورتاعا سالدى.
سۇلەيمەن مامەت,
«ەگەمەن قازاقستان».
