پرەزيدەنت • 26 قاڭتار، 2021

ۇكىمەتكە جىل سوڭىنا دەيىن پايدالانىلماي جاتقان جايىلىمدار قايتارىلۋى ءتيىس

85 رەت كورسەتىلدى

پرەزيدەنت قاسىم-جومارت توقاەۆ ۇكىمەتكە جىل سوڭىنا دەيىن پايدالانىلماي جاتقان جايىلىمداردى قايتارۋدى تاپسىردى، دەپ حابارلايدى Egemen.kz

«جايىلىمدار ماسەلەسىنە ارنايى توقتالعىم كەلەدى. بۇل جەرلەر ەڭ الدىمەن اۋىل تۇرعىندارىنا قولجەتىمدى بولۋى كەرەك. جەرگىلىكتى اكىمدىكتەر جۇمىستى دۇرىس ۇيىمداستىرماي جاتىر. سونىڭ سالدارىنان اۋىل تۇرعىندارى مال جاياتىن جايىلىم تاپپاي قينالۋدا. اسىرەسە الماتى، تۇركىستان وبلىستارىنان ارىز-شاعىمدار كوپ تۇسۋدە. جايىلىمداردىڭ 99 پايىزى شارۋا قوجالىقتاردىڭ يەلىگىندە. الايدا ونىڭ 36 پايىزىندا عانا مال جايىلادى. قالعان 46 ملن گەكتار جايىلىم جەر بوس جاتىر. ۇكىمەتكە باس پروكۋراتۋرامەن بىرلەسىپ، بيىلعى جىلدىڭ سوڭىنا دەيىن وسىنداي جايىلىمداردى قايتارۋدى تاپسىرامىن»، دەدى مەملەكەت باسشىسى.

ايتا كەتەيىك، پرەزيدەنت قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى وتۋدە. ونلاين فورماتتاعى جيىندا ەلدىڭ الەۋمەتتىك-ەكونوميكالىق دامۋىنىڭ 2020 جىلعى قورىتىندىلارى مەن الداعى جوسپارى تالقىلانىپ جاتىر.

سوڭعى جاڭالىقتار

ۇقساس جاڭالىقتار