ەلوردا • 26 قاڭتار، 2021

ەلوردا اكىمى تۇرعىنداردىڭ گازدىڭ باعاسىنا كەلىسپەۋشىلىگى بولعانىن مويىندادى

308 رەت كورسەتىلدى

بۇگىن ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ ەلوردا اكىمى التاي كولگىنوۆكە بىرقاتار ماسەلەنى كەزەك كۇتتىرمەي، جەدەل شەشۋ كەرەكتىگىن ايتىپ ءوتتى، دەپ حابارلايدى Egemen.kz

مەملەكەت باسشىسى ەڭ الدىمەن باس شاھاردى گازداندىرۋ ماسەلەسى قالاي جۇرگىزىلىپ جاتقانىن سۇرادى.

«ەلوردانى دامىتۋداعى جالپى امال-ادىستەردىڭ باعىت-باعدارى دۇرىس دەپ ەسەپتەيمىن. البەتتە، قۇرىلىس جۇمىستارىنا باسا ءمان بەرگەن ابزال. ءۇي قۇرىلىسى بولسىن، مەكتەپتەر مەن ازاماتتارعا قاتىستى ينفراقۇرىلىم جايلى دا ايتارىم سول. سەبەبى ەلوردا ءوز ەلىمىزدەگى حالىققا دا، سىرتتان كەلەتىن ازاماتتارعا دا تارتىمدى قالا بولۋى كەرەك. ينۆەستيتسيالاردىڭ ماڭىزى زور، سول سەبەپتى بۇل ماسەلەگە باسا نازار اۋدارىپ وتىرعاندارىڭىز دۇرىس. مەن ينجەنەرلىك ينفراقۇرىلىمدى سالۋ جاعىنان ۇكىمەت پەن قالا اكىمدىگىنىڭ جۇمىسىن قولدايمىن. ءبىز بۇعان دەيىن ەلوردانىڭ ءوزىن سالا بەردىك تە، استىنداعى ينفراقۇرىلىمىن ۇمىت قالدىرعانبىز. ال ينجەنەرلىك، كوممۋنالدىق ينفراقۇرىلىمسىز قالا كۇندەردىڭ كۇنى «تۇنشىعىپ»، ءبىر كۇنى ۇلكەن ماسەلەمەن بەتپە-بەت كەلۋىمىز مۇمكىن»، دەدى مەملەكەت باسشىسى.

قاسىم-جومارت توقاەۆ سونىمەن قاتار قالانى گازداندىرۋ ماسەلەسىنە جەكە توقتالدى.

«ەلوردانى گازداندىرۋ جۇمىسىن ەلباسى نۇرسۇلتان ءابىش ۇلى نازارباەۆتىڭ ءوزى تىكەلەي تاپسىرعان ەدى. قازىر بىراق ازاماتتاردىڭ ۇيلەرىن گازعا قوسۋ قارقىنىن ساقتاۋ كەرەك. جەكە ۇيلەردىڭ گازعا قوسىلۋى جاعىنان ماسەلەسى بارىن ەستىپ جاتىرمىز. سەبەبى ولار ءۇشىن گازعا قوسىلۋ باعاسى جىلىنا 500-700 مىڭ تەڭگەگە دەيىن بارادى ەكەن. بۇل وتە قىمبات سوما سەكىلدى. بۇل ماسەلەنى قالاي شەشەسىزدەر؟»، دەپ سۇرادى پرەزيدەنت.

بۇل سۇراققا جاۋاپ بەرگەن نۇر-سۇلتان قالاسىنىڭ اكىمى تۇرعىندار تاراپىنان گازدىڭ باعاسىنا دەگەن كەلىسپەۋشىلىگى بولعانىن مويىندادى.

ء«بىز مەردىگەرلەردەن باعانى تومەندەتۋدى سۇرادىق. ماسەلەن مەردىگەرلەر بۇرىن گازعا قوسۋ ءۇشىن عانا 240 مىڭ تەڭگە سۇرايتىن. قازىر بۇل قىزمەتتى 150 مىڭ تەڭگەگە دەيىن ازايتتىق. ولار كەلىستى. تۇرعىندار وعان قۋانىپ جاتىر. گازداندىرۋ قارقىنىن ازايتپايمىز. ءبارى جوسپاردا»، دەدى التاي كولگىنوۆ.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار