ايماقتار • 26 قاڭتار، 2021

گۇلشارا ابدىحالىقوۆا وبلىستاعى قۇرىلىس قارقىنىنىڭ باياۋلاۋ سەبەبىن ءتۇسىندىردى

105 رەت كورسەتىلدى

پرەزيدەنت قاسىم-جومارت توقاەۆ قىزىلوردا وبلىسىنىڭ باسشىسى گۇلشارا ابدىحالىقوۆادان قۇرىلىس قارقىنىنىڭ باياۋلاۋ سەبەبىن سۇرادى، دەپ حابارلايدى Egemen.kz

مەملەكەت باسشىسىنىڭ ايتۋىنشا، وڭىردە قۇرىلىس قارقىنى 27 پايىزعا تومەندەپ كەتكەن.

قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا قىزىلوردا وبلىسىنىڭ اكىمىنەن: «گۇلشارا ناۋشاقىزى، حالىقتى باسپانامەن قامتاماسىز ەتۋ – وزەكتى ماسەلە. ستاتيستيكاعا قاراساق، بىلتىر قىزىلوردا وبلىسىندا قۇرىلىس قارقىنى 27 پايىزعا تومەندەگەن. تۇرعىن ۇيلەردى پايدالانۋعا بەرۋ 20 پايىزعا ازايعان. بۇل مەملەكەت بويىنشا ەڭ تومەنگى كورسەتكىش. جاعدايدى تۇزەۋ ءۇشىن نە ىستەپ جاتىرسىزدار؟ بۇل ماسەلە بويىنشا قانداي جوسپارلارىڭىز بار؟»، دەپ سۇراق قويدى. 

گۇلشارا ابدىحالىقوۆا پاندەميانىڭ سالدارىنان نەسيەلىك ۇيلەرگە سۇرانىستىڭ ازايۋىنا بايلانىستى قۇرىلىس سالاسىنىڭ كورسەتكىشى تومەن بولعانىن ايتىپ ءوتتى.

«قازىر كەزەكتە تۇرعان 30 270 ادام بار. ونىڭ ىشىندە «وتباسى بانكى» سالىمشىلارىنىڭ ءوزى عانا – 8 مىڭ ادام. ونىڭ ىشىندە تەك 600 ادام عانا ءبىرىنشى جارنانى تولەي الاتىنىن دالەلدەپ وتىر. پروبلەمالار بار. بىراق ءبىز بيىل الدىمىزعا جوسپار قويدىق: 644،7 مىڭ شارشى مەتر ءۇي بەرىلەدى. ونىڭ ىشىندە ءبىرىنشى قىزىلوردا قالاسى جانە اۋداندار بويىنشا ارنايى ءۇي سالۋ ينفراقۇرىلىمدارىن دايىنداپ قويدىق. ەكىنشىدەن، ۇكىمەتپەن بىرگە قازىرگى باعدارلامالارعا بايلانىستى ارەندالىق جانە نەسيەلىك ۇيلەر بويىنشا جۇمىس ىستەيمىز»، دەپ تولىقتىردى گۇلشارا ابدىحالىقوۆا.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار