سپورت • 24 قاڭتار، 2021

جالعاس جۇماعۇلوۆ جەڭىلىپ قالدى

38 رەت كورسەتىلدى

بۇگىن تاڭ اتا ارالاس جەكپە-جەكتەن ءابۋ-دابيدە وتكەن UFC 257 تۋرنيرىندە اسا جەڭىل سالماقتا كۇش سىناسقان قازاق سپورتشىسى جالعاس جۇماعۇلوۆ شۆەتسيالىق ءامىر البازيدان ۇپاي سانىمەن ۇتىلدى.

32 جاستاعى جالعاس ءۇشىن بۇل UFC-دەگى ەكىنشى كەزدەسۋى ەدى. تۇساۋكەسەر كەزدەسۋىن ول وسىدان جارتى جىل بۇرىن وتكىزىپ، برازيليالىق راۋليان پايۆاعا ەسە جىبەردى. بارلىعى 18 مارتە وكتاگونعا شىعىپ، 13 باسەكەدە باسىم تۇسكەن ساقا سپورتشىمىز بۇل جولى ءامىر البازيمەن كۇش سىناستى. 27 جاستاعى قارسىلاسى شۆەتسيانىڭ تۋى استىندا ونەر كورسەتكەنىمەن، يراكتا دۇنيەگە كەلگەن. وسى كۇنگە دەيىن ول 15 كەزدەسۋ وتكىزىپ، تەك بىرەۋىندە عانا ۇتىلدى. باسەكە باسىنان اياعىنا دەيىن ءبىر تەمپتە ءوتتى. بىردە جۇماعۇلوۆ، بىردە البازي شيراق قيمىلدادى. دەسەك تە سوڭعى راۋندتا ءامىر جالعاستى جىعىپ الىپ، قىلقىندىرۋ ءتاسىلىن ورىنداۋعا تالپىندى. قانداسىمىز وعان ونداي مۇمكىندىك بەرمەدى. سوڭعى مينۋتتا قوس سپورتشى تىك تۇرىپ ايقاستى. جەكپە-جەك اياقتالعاننان سوڭ بارلىق ءۇش تورەشى ءبىراۋىزدان سكانديناۆيا تۇبەگىنەن كەلگەن ساڭلاقتى جەڭىمپاز دەپ تانىدى. 

ال ايتۋلى جارىستىڭ باستى جەكپە-جەگى يرلانديالىق كونور ماكگرەگور مەن امەريكالىق داستين پورە اراسىندا ءوتتى. ەكىنشى راۋندا سوققىلار الماسۋ بارىسىندا اقش-تىڭ وكىلى اتىشۋلى قارسىلاسىن ءدال يەكتەن ۇرىپ، ەسىنەن تاندىردى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار