ءجاسوسپىرىم مۇنداي اتاققا جاقىندا ء«بىلىم وركەنيەتى» ۇلتتىق يننوۆاتسيالىق زەرتتەۋ ورتالىعى ۇيىمداستىرعان رەسپۋبليكالىق بايقاۋدا يە بولدى. رانونانىڭ «مەنىڭ بولاشاق ماماندىعىم» اتتى ەسسە بايقاۋعا قاتىسقان ەڭبەكتەردىڭ اراسىنان ۇزدىك شىعىپ, 1-ورىن الدى. ال جەڭىمپاز وقۋىشىنىڭ ەسسەسى «قازاقستاننىڭ 100 دارىندى وقۋشىسى» كىتابىنا ەنگىزىلدى. رانونانىڭ ءوزى تالانتى مەن كوشباسشىلىق قىرى ءۇشىن ارنايى سەرتيفيكاتپەن ماراپاتتالىپ, كەۋدەسىنە «دارىندى وقۋشى» توسبەلگىسىن تاقتى.
بۇل رانونانىڭ العاشقى جەتىستىگى ەمەس ەكەن. بۇعان دەيىن ول بىرنەشە بايقاۋدا توپ جارىپ, ۇزدىك اتانعان. مىسالى, 2018 جىلى ول وبلىستىق «بالا الەمى» شىعارماشىلىق بايقاۋىندا, « ۇلى دالا ۇرپاعى» رەسپۋبليكالىق فەستيۆالىندە جۇلدەگەر بولدى. سونداي-اق, سول جىلى «شەكسىز ماتەماتيكا» دۇنيەجۇزىلىك وليمپيا جارىسىندا II ورىن العان. ال 2019 جىلى رەسپۋبليكالىق «زەردە» عىلىمي جوبالار بايقاۋىنىڭ جەڭىمپازى اتانسا, ءىزىن الا «قازاقستان كۇللى تۇركى حالىقتارىنىڭ قاسيەتتى «قارا شاڭىراعى» اتتى حالىقارالىق بايقاۋىنىڭ گران-پري جۇلدەسىن يەلەنىپتى.
رانونا بولاشاقتا ومارتاشى بولىپ, بال اراسىن ءوسىرۋدى ارماندايدى ەكەن. وقۋشى قىز بىلتىر جەتىسۋدىڭ بال اراسىن وسىرەتىن ايماقتارىنا ارنايى بارىپ كورىپتى. وسى ساپارىندا ومارتاشىلاردىڭ اڭگىمەسىن تىڭداپ, بالدىڭ قۇندى قاسيەتتەرىن, ونىڭ ادامعا تيگىزەتىن پايداسىن, قۇرامى مەن نەگىزگى تۇرلەرىن زەرتتەدى.
- مەن بال اراسى تۋرالى كوپ ىزدەنىپ ءجۇرمىن. ءوز بولاشاعىمدى ارا شارۋاشىلىعىمەن بايلانىستىرعىم كەلەدى. ويتكەنى, ماعان ارالاردى باقىلاپ, زەرتتەگەن ۇنايدى. كىشكەنتاي تىرشىلىك يەلەرى مەنى قىزىقتىرىپ, قاتتى تاڭداندىرادى, - دەيدى 6-سىنىپ وقۋشىسى رانون جالەلقىزى.
