ەلوردا • 24 قاڭتار، 2021

نۇر-سۇلتاندا گازداندىرۋ جۇمىسى جالعاسىپ جاتىر

20 رەت كورسەتىلدى

نۇر-سۇلتان قالاسىنىڭ اكىمى Instagram پاراقشاسىندا گازداندىرۋ جۇمىسى قالاي جۇرگىزىلىپ جاتقانىن ءمالىم ەتتى.

«قالانى گازداندىرۋ 3 كەزەڭنەن تۇرادى. قازىر كوكتال-2 ەلدى-مەكەنى تۇرعىندارىنىڭ ۇيلەرىن كوگىلدىر وتىنعا قوسۋ جانە جۇمىستاردى قابىلداۋ ءجۇرىپ جاتىر. بۇعان دەيىن وسى ەلدى-مەكەندە ىشكى جەلىلەرگە گاز بەرىلدى. سونىمەن بىرگە، گاز جەلەزنودوروجنىي ەلدى-مەكەنىنە دە بەرىلىپ، قاراشا ايىندا ورتالىقتاندىرىلعان گازبەن جابدىقتالدى. جالپى، قالا ىشىنە 300 شاقىرىمنان استام گاز قۇبىرلارى تارتىلدى»، - دەپ جازدى اكىم.

ونىڭ ايتۋىنشا 800 ءۇي تەحنيكالىق شارتتارعا سايكەستىك قۇجاتىنا قول جەتكىزىپ، 5 مىڭنان استام ادام فرونت-وفيستەردە كەڭەس الدى. تۇرعىندارعا اقىسىز بەرىلەتىن ەسەپتەگىشتەر قاراستىرىلعان.

«ەلوردانى گازداندىرۋ - تۇڭعىش پرەزيدەنت - ەلباسى نۇرسۇلتان نازارباەۆتىڭ تاريحي جوباسى. قالانى گازداندىرۋ پروتسەسى مەملەكەت باسشىسى قاسىم-جومارت توقاەۆتىڭ ەرەكشە باقىلاۋىندا. ەلوردانى گازداندىرۋ زياندى قالدىقتاردى تومەندەتۋگە مۇمكىندىك بەرەدى. قالانىڭ ەكولوگياسى جاقسارادى، ال بۇل - تۇرعىنداردىڭ دەنساۋلىعىنا جاعىمدى اسەر ەتەدى»، - دەپ جازدى التاي كولگىنوۆ.

سوڭعى جاڭالىقتار

ۇقساس جاڭالىقتار