ايماقتار • 23 قاڭتار، 2021

قورعانىس ءمينيسترى الماتى وبلىسىنا جۇمىس ساپارىمەن باردى

24 رەت كورسەتىلدى

قورعانىس ءمينيسترى الماتى وبلىسىنا جۇمىس ساپارىمەن بارىپ قايتتى. قازىرگى ۋاقىتتا «ىلە» پوليگونىندا بولىمشەلەردىڭ جاۋىنگەرلىك اتىستارى وتۋدە، دەپ حابارلايدى Egemen.kz.

جاتتىعۋ بارىسىندا تاجىريبيە جۇزىندە ۇشقىشسىز ۇشۋ اپپاراتتارىمەن كۇرەسۋدىڭ جاڭا تاسىلدەرى قولدانىلۋدا. قورعانىس مينيسترىنە دەسانتتىق-شابۋىلداۋشى اسكەرلەرىنىڭ قولباسشىسى گەنەرال-مايور قانىش ابۋباكىروۆ جاۋىنگەرلىك اتىس كەزىندە ءتۇتىن مەن بۇركەمەلەۋدىڭ قولدانىلۋىن، سوققى بەرەتىن دروندارعا باقىلاۋ جۇرگىزىلىپ جاتقاندىعى جايىندا ايتتى. 

سوڭعى جىلدارداعى قارۋلى قاقتىعىستاردى مۇقيات زەردەلەۋدىڭ ناتيجەسىندە دەسانتتىق-شابۋىلداۋشى اسكەرلەرىندە جاسالعان بۇل ادىستەر جاۋىنگەرلىك دايىندىقتى ەداۋىر ارتتىرىپ قانا قويماي، سونىمەن قاتار جەكە قۇرام اراسىندا ۇلكەن شىعىنداردى بولدىرماۋعا مۇمكىندىك بەرەدى.

جۇمىس ساپارى بارىسىندا گەنەرال-لەيتەنانت نۇرلان ەرمەكباەۆ «ارىستان» مامانداندىرىلعان ليتسەيىندە ەرلىك جانە پاتريوتيزم ساباعىن وتكىزدى.

قر قورعانىس ءمينيسترى ءاربىر ازامات ءوز ەلىنىڭ پاتريوتى ءۇشىن اسكەري ماماندىق تاڭداۋدىڭ ماڭىزدىلىعىن، قازاقستان قارۋلى كۇشتەرىن دامىتۋدىڭ ستراتەگيالىق باعىتتارىن، زاماناۋي قارۋ-جاراق پەن اسكەري تەحنيكانىڭ تۇرلەرى جونىندە ايتىپ بەردى. ارىستاندىقتارعا ارنالعان ساباق جوسپارىندا ەل اسكەرى، ونىڭ مىندەتتەرى جانە مەملەكەتىمىزدىڭ تاۋەلسىزدىگى مەن اۋماقتىق تۇتاستىعىن قورعاۋداعى ءرولى تۋرالى مۋلتيمەديالىق ادىستەمەلىك ماتەريالدار كورسەتىلدى.

«ەل قارۋلى كۇشتەرىنىڭ قازىرگى كەلبەتى 21 عاسىرداعى اسكەرگە قويىلاتىن تالاپتارعا ساي. اسكەري ماماندىق اسكەري قىزمەتشىلەردەن ناقتى، گۋمانيتارلىق، جاراتىلىستانۋ عىلىمدارى بويىنشا تەرەڭ ءبىلىم الۋدى، سونداي-اق مىقتى دەنە دايارلىعىن تالاپ ەتەدى. مامانداندىرىلعان ليتسەيدى بىتىرگەننەن كەيىن وسى سالاعا سايكەس قورعانىس مينيسترلىگىنىڭ جوعارى وقۋ ورىندارىنا تۇسە الاسىزدار. ەستەرىڭىزدە بولسىن، وتاندى قورعاۋ ارقاشان جوعارى ازاماتتىق ەرلىك بولىپ سانالادى. سىزدەر ەلدىڭ تاعدىرى، ونىڭ بولاشاقتا دامۋى مەن وركەندەۋى جولىنداعى جاۋاپكەرشىلىكتى ءوز موينىنا الاتىن جاڭا بۋىنسىزدار»، – دەپ اتاپ ءوتتى بولاشاقتا قازاقستان اسكەرىندەگى وفيتسەرلىك كورپۋسىنىڭ نەگىزىن قالايتىن جاستارعا ارناعان سوزىندە نۇرلان ەرمەكباەۆ.

راديوەلەكترونيكا جانە بايلانىس اسكەري-ينجەنەرلىك ينستيتۋتىنا جۇمىس ساپارى بارىسىندا قورعانىس مينيسترىنە ينستيتۋت باستىعى گەنەرال-مايور اسقار مۇستابەكوۆ وقۋ ۇدەرىسىنىڭ سانيتارلىق-ەپيدەميولوگيالىق شەكتەۋلەر جاعدايىندا ۇيىمداستىرىلۋىن، وقۋ-ماتەريالدىق بازانىڭ جاي-كۇيىن، وقۋ باعدارلامالارىنىڭ ىسكە اسىرىلۋى جايىندا ايتتى. مينيستر جاتتىعۋ كەشەندەرىن، وقۋ تەحنيكا جانە قارۋ-جاراق ۇلگىلەرىن، وقۋ-ادىستەمەلىك كابينەتتەردىڭ، كافەدرالاردىڭ، زەرتحانالاردىڭ جابدىقتارىن كوردى.   

قورعانىس ۆەدومستۆوسىنىڭ باسشىسى وقۋ پروتسەسىنىڭ مازمۇنىن ارتتىرىپ، اسكەري كادرلاردى ساپالى دايارلاۋعا نازار اۋداردى.  

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار