ء«بىزدىڭ پاتەرىمىز ماقتاۋعا لايىق. كەڭ, جىلى جانە جايلى. ءۇيىمىز ورنالاسقان تۇس ۇنايدى. مۇندا قاجەتتى ينفراقۇرىلىمنىڭ ءبارى بار: مەكتەپتەر, بالاباقشالار, دۇكەندەر جانە مەديتسينالىق مەكەمەلەر. قاتتى قۋانىپ ءجۇرمىز. بىزگە كورسەتكەن كومەگى ءۇشىن ەلوردا اكىمدىگىنە تاعى دا العىس بىلدىرگىمىز كەلەدى» - دەدى ول.
جاڭا قونىستانۋشىلاردىڭ ءبىرى ليۋدميلا بارانوۆانىڭ ايتۋىنشا, ول 30 جىلدان استام ۋاقىت باراق ۇيدە ءومىر سۇرگەن.
«بۇرىنعى جانە قازىرگى ءۇيىم ءبىر بىرىمەن سالىستىرۋعا كەلمەيدى, اسپان مەن جەر سياقتى. باراق ءۇيىمىز جىلىتىلمايتىن, قالىڭ كيىنىپ ۇيىقتايتىنبىز. سۋمەن جابدىقتاۋ جانە كارىز جەلىسى اتىمەن بولمايتىن. ولەرمەندىك حالدە ەدىك. ال قازىرگى پاتەرىم جىلدار بويعى ارمانىم ەدى. ءبارى ءوزىم قالاعانداي بولدى. ەندى مەن ءۇشىن ءار كۇنىم مەرەكە سياقتى. مۇنداي سىيلىق جاساعان بيلىككە كوپ راحمەت», - دەپ قۋاندى ول.
ەلوردادا اپاتتى جاعدايداعى ەسكى ۇيلەردى بۇزۋ بويىنشا جۇيەلى جۇمىستار جۇرگىزىلىپ جاتىر.
