ايماقتار • 23 قاڭتار، 2021

شىمكەنتتە جان باسىنا قارجىلاندىرۋدىڭ كولەمى ارتتى

117 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ جۇمىس اپتاسى سوڭىندا Instagram جەلىسىندە ادەتتەگىدەي تىكەلەي ەفير ارقىلى تۇرعىندارمەن كەزدەستى. ونلاين كەزدەسۋىن قالاداعى ەپيدەميالىق احۋالدان باستاپ، تۇرعىندار ساۋالدارىنا جاۋاپ بەردى، دەپ حابارلايدى Egemen.kz.

وتكەن تاۋلىكتە قالادا COVID-19 ينفەكتسياسىن جۇقتىرعان 14 جاعداي تىركەلگەن. بۇل باعىتتا كوبەيۋ ءۇردىسى بايقالۋدا. بۇگىندە شاھاردا 1 060 توسەك - ورىن بار (جۇقپالى - 560، كارانتين - 500)، ونىڭ 864 توسەك – ورنى بوس. جۇقپالى جانە كارانتيندىك اۋرۋحانالاردا 196 ناۋقاس ەم قابىلداۋدا.

قالا اكىمى اپتالىق ەفيردى ءبىلىم سالاسىنا ارنادى. بۇل جونىندە ءوزىنىڭ جەكە پاراقشاسىندا حابارلاپ، تۇرعىنداردان سۇراقتار مەن ۇسىنىستارىن جازبا استىنا جازىپ قالدىرۋىن سۇراعان بولاتىن. تۇرعىندار تاراپىنان تاقىرىپ توڭىرەگىندە 200-دەن استام پىكىر قالدىرىلعان.

مۇرات دۇيسەنبەك ۇلى ءبىلىم توڭىرەگىندەگى ماسەلەلەردى تالقىعا سالىپ، سالا بويىنشا سۇراقتارعا جاۋاپ بەردى، الداعى جوسپارلارمەن ءبولىستى.

وسى جىلى قالاداعى مەملەكەتتىك 5 كوللەدجدى جابدىقتاۋ ءۇشىن رەسپۋبليكالىق بيۋدجەتتەن 1 447،772 ملن تەڭگە قارجى قارالعان.

قىركۇيەك ايىنا دەيىن كوللەدجدەردىڭ ماتەريالدىق-تەحنيكالىق بازاسى 70% جاڭارتىلادى.

سونىمەن قاتار وتكەن جىلى مەكتەپكە دەيىن ءبىلىم بەرۋدە جان باسىنا قارجىلاندىرۋ ءار بالاعا 28 350 تەڭگە بولسا، بيىل 37 527 تەڭگە رەتىندە بەكىتىلگەن.

كورۋ قابىلەتى ناشارلار ءۇشىن «برايل» جانە زەردە بۇزىلىستارى بار بالالار ءۇشىن «ساتر» باسپاسىنان ارنايى كىتاپتار الىنىپ، ارنايى وقۋلىقتار قورى تولىعاتىن بولادى.

ەفير سوڭىندا قالا اكىمى قالادا ەپيدەميالىق جاعداي تۇراقتى بولعانىمەن ءالى دە ساقتىق شارالارىنا ءمان بەرۋ قاجەت ەكەنىن اتاپ ءوتتى.

ەفيردە تۇرعىنداردان كەلىپ تۇسكەن سۇراقتاردىڭ بارلىعىنا مىندەتتى تۇردە جاۋاپ بەرىلەتىنىن ايتا كەلە، كەلەسى اپتا تۇرعىن ءۇي توڭىرەگىندە ءسوز قوزعالاتىنىن مالىمدەدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار