ايماقتار • 23 قاڭتار، 2021

ماقتاارالدا قۇرىلىس جۇمىستارىنىڭ كولەمى 255،4%-عا ارتتى

15 رەت كورسەتىلدى

ماقتاارال اۋدانىندا 2020 جىلى قۇرىلىس جۇمىستارىنىڭ جالپى كولەمى 15،4  ميلليارد تەڭگەنى قۇراپ، ودان الدىڭعى جىلدىڭ ءتيىستى كەزەڭىمەن سالىستىرعاندا 255،4%-عا ارتقان. ونىڭ ىشىندە تۇرعىن ۇيلەردى ىسكە قوسۋ 85 968 شارشى مەترگە ارتىپ، 410،7%-عا وسكەن، دەپ حابارلايدى Egemen.kz.

اۋداندا 8 مەكتەپتىڭ قۇرىلىس-مونتاج جۇمىستارى جۇرگىزىلدى. اتاپ ايتقاندا، وبلىستىق بيۋدجەت ەسەبىنەن جالپى كونكۋرستىق قۇنى 2،9 ميلليارد تەڭگەگە 5 مەكتەپتىڭ قۇرىلىس جۇمىستارى باستالىپ، 1،1 ميلليارد تەڭگەنىڭ قارجىسى يگەرىلدى. سونداي-اق جەرگىلىكتى بيۋدجەت ەسەبىنەن جالپى كونكۋرستىق قۇنى 906،0 ميلليون تەڭگەگە  2 مەكتەپتىڭ قۇرىلىس جۇمىستارى جۇرگىزىلىپ، 49،5 ميلليون تەڭگەنىڭ قارجىسى يگەرىلدى. نىسانداردىڭ بارلىعى دا 2021 جىلعا وتپەلى.

2020-2025 جىلدارعا ارنالعان "نۇرلى جەر" باعدارلاماسى اياسىندا ماقتاارال اۋدانى اۋماعىندا كوپبالالى از قامىتىلعان 50 وتباسىعا 50 تۇرعىن ءۇي ساتىپ الۋعا 2020 جىلى رەسپۋبليكالىق بيۋدجەت ەسەبىنەن 417، 9 ميلليون تەڭگە قارجى قارالىپ، تولىق يگەرىلگەن. قازىرگى تاڭدا، ماقتاارال اۋدانىنىڭ تۇرعىن ءۇي-كومۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ كوممۋنالدىق مەنشىگىنە تاپسىرۋ  راسىمدەرى جۇرگىزىلۋدە. الداعى ۋاقىتتا اتالعان ۇيلەر كوپبالالى انالارعا تابىستالاتىن بولادى.

اۋدان ورتالىعى مىرزاكەنت كەنتىندە ورتالىق كىتاپحانا كۇردەلى جوندەۋدەن وتۋدە. ءمىرزاشول ءوڭىرىنىڭ تۇرعىندارىنىڭ مادەنيەتىن جانە ينتەلەكتۋالىن دامىتۋعا ۇلكەن سەرپىلىس بەرەتىن الىپ نىساننىڭ قۇرىلىسىنا 309 ميلليون تەڭگە قارجى قاراستىرىلدى. 2021 جىلدىڭ ناۋرىز ايىندا پايدالانۋعا بەرىلەتىن ورتالىق كىتاپحانادا 50 مىڭنان اسا كىتاپ قورى ساقتالادى جانە ارنايى زاماناۋي وقۋ زالى مەن وقۋ بولمەلەرى جۇمىس جاسايدى. وقۋشىلار ءۇشىن بالالار كىتاپحاناسى دا جەكە قاراستىرىلعان. مادەني نىساندا ءتۇرلى اقىن-جازۋشىلاردىڭ، قالامگەرلەردىڭ شىعارماشىلىق كەشىن وتكىزۋ ماقساتىندا 200 ورىندىق كونتسەرت زالى دا جۇمىس جاسايتىن بولادى.

مىرزاكەنتتە قۇرىلىسى جۇرگەن الىپ نىسانداردىڭ ءبىرى - ق.مۇڭايتپاسوۆ اتىنداعى ورتالىق ستاديونى. 2066 كورەرمەنگە ارنالعان الىپ نىساننىڭ جالپى كونكۋرستىق قۇنى 240 ميلليون تەڭگە. نىساندا كورەرمەنگە ارنالعان ورىندىقتاردان بولەك، 2 قاباتتى اكىمشىلىك عيماراتى، سپورتشىلارعا ارنالعان كيىم اۋىستىراتىن جانە جۋىناتىن بولمەلەر، 12 ادامعا ارنالعان سىرتقى اجەتحانا، كۇزەت بولمەلەرى بار. سونىمەن قاتار  الىپ ستاديوننىڭ اۋماعىندا سكەيدۆوركاۋد، كىشى فۋتبول الاڭشالارى جانە ۆولەيبول، باسكەتبول الاڭشالارىنىڭ قۇرىلىسى دا قوسا اتقارىلدى.

مىرزاكەنتتىڭ كوركىنە كورىك قوساتىن تاعى ءبىر قۇرىلىسى ءجۇرىپ جاتقان نىسان - داڭق اللەياسى. س.قوجانوۆ كوشەسى بويىنداعى ماڭگىلىك الاۋ ەسكەرتكىشىن قايتا قۇرۋ ءۇشىن 2020 جىلى بيۋدجەتتەن 137 ميلليون تەڭگە قارجى قارالىپ، قۇرىلىس جۇمىستارى جۇرگىزىلۋدە.

ايتا كەتەيىك، وتكەن جىلى ماقتاارالدا ورىن العان توتەنشە جاعداي سالدارىن جويۋ بويىنشا 8 الەۋمەتتىك نىساننىڭ قۇرىلىسى جۇرگىزىلۋدە. ونىڭ ىشىندە مىرزاكەنت كەنتىنىڭ جانىنان بوي كوتەرگەن جاڭا مولتەك اۋداندا 400-گە جۋىق تۇرعىن ءۇي سالىنىپ، 1 مەكتەپ، 1 بالاباقشا، 1 دارىگەرلىك امبۋلاتوريا مەن پوليتسيا پۋنكتىنىڭ قۇرىلىسى ءجۇرىپ جاتىر. سونىمەن قاتار ورگەباس، فيرداۋسي اۋىلدارىنداعى مەكتەپتەر اعىمداعى جوندەۋدەن ءوتىپ، دارىگەرلىك امبۋلاتوريا مەن پوليتسيالىق تىرەك پۋنكتتەرى سالىنۋدا.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار