ايماقتار • 23 قاڭتار، 2021

«Shymkent Chemical Company» كاسىپورنىنىڭ قۇرىلىسى اياقتالۋعا تايادى

58 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ مۇناي-حيميا باعىتىنداعى «Shymkent Chemical Company» جشس ءوندىرىس ورنىنىڭ جۇمىس بارىسىن ارالاپ كوردى، دەپ حابارلايدى Egemen.kzEgemen.kz.

شىمكەنت قالاسىنىڭ اۋماعىندا ءبىرىنشى تولىق ينتەگراتسيالانعان حيميا زاۋىتى "وڭتۇستىك" اەا اۋماعىندا مەتيل-ترەت-بۋتيل ەفيرى جانە ۇنتاقتى پوليپروپيلەن ءوندىرۋ جوباسىن ىسكە اسىرۋدا. مەتيل-ترەت-بۋتيل ەفيرى - وكتان وتىنىن ۇلعايتۋدا وتتەكتەندىرەتىن قوسپا. ۇنتاقتى پوليپروپيلەن - قاپ كونتەينەرلەر، قۇبىرلار ءوندىرۋ ءۇشىن قولدانىلاتىن شيكىزات پوليمەر ءونىمى.

ءوندىرىستىڭ جوبالىق قۇنى - 28 ملرد تەڭگە. جوبا اياسىندا جىلىنا 80 000 توننا متبە، 100 000 توننا ۇنتاقتى پوليپروپيلەن ءوندىرۋ جوسپارلانۋدا. زاۋىتتىڭ ءبىر ەرەكشەلىگى، مۇناي ونىمدەرىنە جوعارى ستاندارتتى قوسىمشا قوسپا ونىمدەرىن دايىندايدى.

جالپى اتالعان ءوندىرىس قالانىڭ وڭدەۋ ونەركاسىبىنە ايتارلىقتاي ۇلەس قوسادى. ناقتىراق ايتقاندا، جىلىنا 4 ملرد تەڭگەنىڭ ءونىمى شىعارىلماق.

قۇرىلىس جۇمىستارى 2018 جىلى باستالعان بولاتىن. 1-كەزەڭ 2021 جىلى ناۋرىز ايىندا ىسكە قوسىلماق. بۇگىندە زاۋىت قۇرىلىسى 98 % - عا اياقتالدى. اكىمشىلىك-تۇرمىستىق كەشەننىڭ، رەزەرۆۋارلىق پاركى بار وپەراتورلىق جانە توگۋ-قۇيۋ ەستاكاداسىنىڭ قۇرىلىسى 100 %، تولىعىمەن ورىندالدى.

زاۋىت باسشىلارىنىڭ ايتۋىنشا، 1 كەزەڭدە 150 ادامدى، 2 كەزەڭدە 100 ادامدى جۇمىسپەن قامتۋ كوزدەلۋدە.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار