قوعام • 23 قاڭتار، 2021

وڭىرلەردەگى مەملەكەتتىك ساتىپ الۋلارعا مونيتورينگ جۇرگىزىلەدى

79 رەت كورسەتىلدى

«اتامەكەن» ۇكپ، مينيسترلىكتەر، اكىمدىكتەر جانە كۆازيمەملەكەتتىك سەكتور ۇيىمدارىنىڭ قاتىسۋىمەن سىبايلاس جەمقورلىققا قارسى ءىس-قيمىل اگەنتتىگىنىڭ الاڭىندا وڭىرلەردەگى مەملەكەتتىك ساتىپ الۋلاردىڭ تيىمدىلىگى ماسەلەلەرى تالقىلاندى، دەپ حابارلايدى Egemen.kz.

ەلدىڭ نەگىزگى ساتىپ الۋ الاڭدارىنىڭ دەرەكتەرىن بىرىكتىرەتىن «ساتىپ الۋدىڭ بىرىڭعاي تەرەزەسى» اقپاراتتىق-تالداۋ پورتالىن اگەنتتىك قىزمەتكەرلەرى باعانى نەگىزسىز كوتەرۋ تاۋەكەلدەرىن الدىن الا انىقتاۋ ءۇشىن تابىستى پايدالانادى.

ء«بىز ساتىپ الۋلار جوسپارىن جانە بارلىق وڭىرلەر بويىنشا ساتىپ الۋلاردىڭ ءوزىن تالدايمىز، باعالاردى سالىستىرامىز. جوبانى ىسكە اسىرۋ باستالعاننان بەرى سىبايلاس جەمقورلىققا قارسى قىزمەتپەن بىرلەسىپ، شامامەن 22،8 ملرد تەڭگە سوماسىنداعى بيۋدجەت قاراجاتىنىڭ ءتيىمسىز پايدالانىلۋىنا جول بەرىلمەدى»، دەدى كاسىپكەرلەردىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ.

سپيكەر اتاپ وتكەندەي، بۇل جۇيە ساتىپ الۋدىڭ اشىقتىعىن ارتتىرۋعا ىقپال ەتەدى، بۇل مەملەكەت باسشىسىنىڭ 2020 جىلعى 1 قىركۇيەكتەگى قازاقستان حالقىنا جولداۋىندا قويىلعان نەگىزگى مىندەتتەردىڭ ءبىرى.

جۇيە 2020 جىلى پاندەميا مەن توتەنشە جاعداي رەجيمى كەزىندە ءوزىنىڭ تيىمدىلىگىن دالەلدەدى. پورتال مونيتورينگ شەڭبەرىندە اگەنتتىكتىڭ مەملەكەتتىك ورگاندارمەن ۇسىنىمدارىن پىسىقتاۋ ناتيجەسىندە تاۋەكەلدى ساتىپ الۋ سانىنىڭ ون ەسە قىسقارعانىن كورسەتتى.

«ۇلتتىق پالاتامەن بىرلەسكەن جوبا اياسىندا مەملەكەتتىك ساتىپ الۋلاردىڭ باعا كومپلاەنسىنىڭ سالاسى ءبىزدىڭ تاراپىمىزدان كۇندەلىكتى تالداۋعا جاتادى. وڭ ناتيجە – ۇنەمدەلگەن قاراجات قانا ەمەس، سونىمەن قاتار ادامداردىڭ تاعدىرى، ءبىز الدىن الۋ تاسىلىمەن قۇقىق بۇزۋشىلىق جاساۋدىڭ جولىن كەسەمىز. الدىن الۋ تەك ءبىزدىڭ قىزمەتىمىز عانا ەمەس، سونىمەن قاتار بارلىق مەملەكەتتىك ورگاندار مەن ۆەدومستۆولىق باعىنىستى ۇيىمدار دا اينالىسۋى ءتيىس»، - دەپ اتاپ ءوتتى اگەنتتىك توراعاسى اليك شپەكباەۆ.

«رەگيون گز» ءمودۋلى «ساتىپ الۋدىڭ بىرىڭعاي تەرەزەسى» پورتالىنىڭ ودان ءارى دامۋى بولىپ تابىلادى. ۇسىنىلعان جۇيەدە جيناقتالاتىن ەسەپتەر سىبايلاس جەمقورلىق قۇقىق بۇزۋشىلىق تاۋەكەلدەرىن انىقتاۋعا مۇمكىندىك بەرەدى. اتاپ ايتقاندا، تالداۋشى ساتىپ الۋ باعاسىنىڭ كوتەرىلگەنىن، باسەكەگە قابىلەتسىزدىكتىڭ جوقتىعىن، باعانىڭ تومەندەۋىن جانە باسقا دا بىرقاتار كورسەتكىشتى كورسەتەتىن ينديكاتورلاردى كورە الادى.

«سابت» ساتىپ الۋ نارىعىنىڭ اشىقتىعىن ارتتىرۋعا باعىتتالعان، بۇل كاسىپكەرلەردىڭ باسىم بولىگىن بىرىڭعاي الاڭداعى تەندەرلەرگە قاتىسۋعا ىنتالاندىرادى. ء«وز كەزەگىندە بۇل ءادىل باعا بەلگىلەۋدىڭ، كونكۋرستىق ۇسىنىستاردىڭ ساپاسىن جاقسارتۋدىڭ جانە سىبايلاس جەمقورلىق تاۋەكەلدەرىن تومەندەتۋدىڭ كەپىلى»، – دەپ اتاپ ءوتتى تانىستىرىلىم بارىسىندا نارىقتى مونيتورينگىلەۋ جانە ساراپتاۋ ورتالىعىنىڭ باسشىسى سەرىكبەك ەلشىبەكوۆ.

سپيكەر جۇيەنىڭ ءاربىر وڭىرگە جانە جەكە مەملەكەتتىك ورگانعا كەشەندى تۇردە قاراۋعا مۇمكىندىك بەرەتىنىنە نازار اۋداردى. مۇنداي ءتاسىل قولدانىستاعى تاجىريبەنىڭ تۇتاس كورىنىسىن قالىپتاستىرادى جانە رەيتينگ قۇرۋعا مۇمكىندىك بەرەدى. مەملەكەتتىك ورگاندار تاراپىنان پورتالدى قولدانۋ ۆەدومستۆولارعا وزىندىك تالداۋ جۇرگىزۋگە مۇمكىندىك بەرەدى، مىسالعا، ء«بىر كوزدەن ساتىپ الۋ» ۇلەسىنىڭ تەرىس كورسەتكىشتەرى بويىنشا، ونىڭ نەگىزىندە ناقتى شارالار قۇرۋعا بولادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار