كەلىسىم اياسىندا تاراپتار ءارتۇرلى تابيعات قورعاۋ اكتسيالارىنا جۇرتشىلىقتى تارتىپ, حالىقتىڭ ەكولوگيالىق مادەنيەتىن ارتتىرۋ بويىنشا جۇمىستار اتقارادى. ەكولوگيا, وسىمدىكتەر مەن جانۋارلار دۇنيەسىن قورعاۋ سالاسىنداعى قۇقىق بۇزۋشىلىقتاردىڭ الدىن الۋدىڭ بىرلەسكەن شارالارىن جۇرگىزەدى.
مەموراندۋمعا قول قويۋ اياسىندا ۇيىم ءتورايىمى سايدا تاۋكەلەۆا ەل اراسىنداعى ەكولوگياعا قاتىستى رەزونانستى پروبلەمالارمەن مينيسترلىكتى حاباردار ەتىپ, بىرگە شەشىمىن تابۋعا اتسالىسۋعا دايىن ەكەنىن جەتكىزدى. الماتى قالاسى اۋاسىنىڭ لاستانۋى, جىلۋ ەلەكتر ستانتسيالارىن گازعا كوشىرۋدىڭ تيىمدىلىگىن جۇرتشىلىققا ءتۇسىندىرۋ, اقتوبە وبلىسى بەستاماق اۋىلىنداعى شوشقا فەرماسىنا حالىقتىڭ نارازىلىعى سياقتى وتكىر تۇرعان ماسەلەلەردى اتاپ ءوتتى.
مينيستر ماعزۇم مىرزاعاليەۆ ۇيىم وكىلدەرىنىڭ ازاماتتىق پوزيتسياسى ءۇشىن العىس ءبىلدىرىپ, حالىق پەن ۇكىمەت اراسىندا كوپىر بولاتىن بىرلەستىكپەن تىعىز جۇمىس ىستەۋگە دايىن ەكەنىن ايتتى.
