ايماقتار • 23 قاڭتار، 2021

«KazALPack» ورتالىق ازيا اۋماعىندا بىرەگەي جوبانى جۇزەگە اسىرماق

28 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ قالاداعى بىرقاتار ونەركاسىپ نىسانىنىڭ جۇمىس بارىسىن ارالاپ كوردى، دەپ حابارلايدى Egemen.kz.

قالا اكىمى وراۋ-قاپتاۋ ماتەريالدارىن وندىرەتىن «KazALPack» جشس-نىڭ قازىرگى جاعدايىمەن تانىستى.

«KazAlPack» جشس - ورتالىق ازيا اۋماعىندا بىرەگەي جوبانى جۇزەگە اسىراتىن كاسىپورىن. «وڭتۇستىك» يندۋستريالىق ايماعى اۋماعىندا ورنالاسقان ءوندىرىس ورنى اليۋميني بانكالارىن شىعارادى.

زاماناۋي زاۋىتتىڭ جالپى اۋدانى - 20 000 شارشى مەتر. ءوندىرىستىڭ ماكسيمالدى قۋاتى جىلىنا 500 ميلليون بانكا شىعارۋعا قاۋقارلى.

جوبا اياسىندا سىرانى، شىرىنداردى، گازدالعان جانە گازدالماعان ءالسىز الكوگولدى جانە الكوگولسىز سۋسىنداردى قۇيۋعا ارنالعان ءتۇرلى كولەمدەگى وڭاي اشىلاتىن قاقپاقتارى بار، اليۋميني بانكىلەرىن شىعارۋ جوسپارلانۋدا.

قازىرگى تاڭدا وندىرىستىك جانە قويما ءۇي-جايلارىن سالۋ بويىنشا قۇرىلىس-مونتاجداۋ جۇمىستارى جۇرگىزىلۋدە. وندىرىستىك جابدىقتار كەزەڭ-كەزەڭىمەن جەتكىزىلۋدە.

ەكولوگيالىق اسپەكت ماڭىزدى فاكتورلاردىڭ ءبىرى. اليۋميني بانكى - الەمدەگى ەكولوگيالىق ەڭ تازا جانە قايتا وڭدەلەتىن قاپتاما. اليۋميني بانكالارىنىڭ جارتىسىنان كوبى قايتا وڭدەۋگە جىبەرىلەدى. ونى قايتا وڭدەۋگە جانە قايتادان شەكسىز پايدالانۋعا بولادى.

قالا اكىمى كاسىپورىن باسشىلارىنا قۇرىلىس جۇمىستارىمەن قاتار، قازىردەن باستاپ ماماندار دايارلاۋعا، بۇل سالادا كاسىپتىك-تەحنيكالىق كوللەدجدەرمەن مەموراندۋم ءتۇزۋدى تاپسىردى.

«KazAlPack» جشس جوباسى «قازاقستان حالىق بانكى» اق جانە «دامۋ» كاسىپكەرلىكتى دامىتۋ قورىنىڭ قولداۋىمەن «قاراپايىم زاتتار ەكونوميكاسى» باعدارلاماسى اياسىندا جۇزەگە اسىرىلۋدا.

سوڭعى جاڭالىقتار

ۇقساس جاڭالىقتار