الەم • 22 قاڭتار، 2021

كانادادا قازاقستانداعى پارلامەنتتىك سايلاۋ قورىتىندىلارى تالقىلاندى

30 رەت كورسەتىلدى

قازاقستاننىڭ كاناداداعى ەلشىلىگى پارلامەنتى ماجىلىسىنە سايلاۋدىڭ قورىتىندىلارى مەن پرەزيدەنت قاسىم-جومارت توقاەۆتىڭ زاڭ شىعارۋشى ورگاننىڭ جاڭا قۇرامداعى ءبىرىنشى سەسسياسىندا ۇسىنعان رەفورمالاردىڭ ءۇشىنشى پاكەتىنە ارنالعان ونلاين سەمينار وتكىزدى.

سەمينارعا كانادا سىرتقى ىستەر مينيسترلىگىنىڭ قىزمەتكەرلەرى، «قازاقستان – كانادا» ىسكەرلىك كەڭەسىنىڭ تەڭ توراعاسى، «Cameco Corporation» پرەزيدەنتى تيم گيتتسەل، «CERBA» قاۋىمداستىعىنىڭ پرەزيدەنتى جيل برەتون، عىلىمي جانە قوعامدىق توپتاردىڭ وكىلدەرى، كانادالىق باق، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتىنىڭ ديرەكتورى ماريان ابيشەۆا، سونداي-اق كانادادا تۇراقتى نەمەسە ۋاقىتشا نەگىزدە تۇرىپ جاتقان وتانداستارىمىز قاتىستى.

سەمينار بارىسىندا ەلشىلىك كەڭەسشىسى مۇرات رۇستەموۆ قاتىسۋشىلاردى مەملەكەت باسشىسىنىڭ قۇقىقتىق ءادىل مەملەكەتتى، سونداي-اق دامىعان ازاماتتىق قوعامدى قالىپتاستىرۋعا باعىتتالعان رەفورمالاردىڭ ءۇشىنشى پاكەتىنىڭ ەرەكشەلىكتەرىمەن ەگجەي-تەگجەيلى تانىستىردى. ديپلومات رەفورمالاردىڭ الەۋمەتتىك سيپاتىن اتاپ ءوتتى، ولاردىڭ باستى ماقساتى – ازاماتتاردىڭ ءال-اۋقاتى مەن دەنساۋلىعى، ادام قۇقىقتارى مەن بوستاندىقتارىن نىعايتۋ، تەڭگەرىمدى وڭىرلىك دامۋ – دەدى ول.

ءوز كەزەگىندە م. ابيشەۆا قاتىسۋشىلاردىڭ نازارىن وتكەن سايلاۋدىڭ ەرەكشەلىكتەرىنە جانە ولاردىڭ ەلدىڭ ودان ءارى دەموكراتيالىق دامۋى ءۇشىن ماڭىزدىلىعىنا اۋداردى. بۇل پرەزيدەنت ق.توقاەۆتىڭ كەزەڭىندەگى العاشقى پارلامەنتتىك سايلاۋ بولدى جانە بىرقاتار كارانتيندىك شەكتەۋلەرگە قاراماستان ول تابىستى ءوتتى. ەلدە العاش رەت پارلامەنتتىك وپپوزيتسيا ينستيتۋتى رەسمي تۇردە قۇرىلدى، ال دەپۋتاتتار اراسىندا ايەلدەر مەن جاستار ۇلەسى ءوستى.

ت. گيتتسەل ءماجىلىس سايلاۋىنا دايىندىق پەن ونى وتكىزۋ بارىسىن جوعارى باعالادى. ول ءىرى شەتەلدىك ينۆەستور بولا وتىرىپ، داۋىس بەرۋ پروتسەسىنىڭ وبەكتيۆتىلىگى مەن اشىقتىعىن، سونداي-اق ەلىمىزدە جۇرگىزىلىپ جاتقان رەفورمالاردىڭ دايەكتىلىگىن ەرەكشە اتاپ ءوتتى. ونىڭ پىكىرىنشە، مۇنىڭ ءبارى شەتەلدىك كاپيتال ءۇشىن قولايلى اتموسفەرا جاسايدى.

سەمينار بارىسىندا سپيكەرلەر كانادالىق باق-تىڭ قازاقستانداعى سايلاۋ پروتسەسى تۋرالى بىرقاتار سۇراقتارىنا جاۋاپ بەردى. ماسەلەن، كانادالىق جۋرناليست دەن دونوۆان قازاقستان حالقى اسسامبلەياسىنىڭ پارلامەنتتەگى وكىلدىگى ينستيتۋتىنا، ونىڭ زاڭنامالىق نەگىزىنە قىزىعۋشىلىق تانىتتى.

سونىمەن قاتار، اعىمداعى جىلى 10 قاڭتاردا كانادانىڭ تورونتو قالاسىندا ءماجىلىس سايلاۋىنا قاتىسقان باقىت ادامبەكوۆ اتتى وتانداسىمىز دا ءوز پىكىرىن ءبىلدىردى. ول ەلشىلىك جانىنداعى سايلاۋ ۋچاسكەسىندە داۋىس بەرۋدىڭ جەكە تاجىريبەسى جانە وسى ۇدەرىستىڭ ۇيىمداستىرۋشىلىق ەرەكشەلىكتەرى تۋرالى ايتىپ بەردى.

جالپى، سەمينار كانادالىق اۋديتوريانىڭ، قوعامدىق، عىلىمي جانە ىسكەرلىك توپتاردىڭ قازاقستانداعى رەفورمالارعا ايتارلىقتاي قىزىعۋشىلىعىن جانە ەلىمىزدە ساياسي جاڭعىرتۋ ۇدەرىسى اياسىندا وتكەن پارلامەنتتىك سايلاۋدىڭ ماڭىزدىلىعىن كورسەتتى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار