بىرقاتار وبلىستا اۋا رايىنا بايلانىستى ەسكەرتۋ جاريالاندى

23 قاڭتاردا اتىراۋ وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى. ەرتەڭ اتىراۋ قالاسىندا تۇمان ءتۇسىپ, كوكتايعاق بولۋى مۇمكىن.

23-24 قاڭتاردا تۇندە اقمولا وبلىسىندا اۋا تەمپەراتۋراسى 30-35, كەي جەرلەردە 38 گرادۋسقا دەيىن كۇرت تومەندەيدى.

23-24 قاڭتاردا تۇندە كوكشەتاۋدا 32-34 گرادۋس اياز بولۋى مۇمكىن.

قوستاناي وبلىسىنىڭ كەي جەرلەرىندە جاياۋ بۇرقاسىن سوعادى, تۇمان ءتۇسۋى مۇمكىن. وڭتۇستىك باتىستان سوققان جەل, سولتۇستىككە اۋىسادى, تۇندە كەي جەرلەردە جىلدامدىعى 15-20 م/س جەتەدى.

ەرتەڭ قىزىلوردا وبلىسىنىڭ كەي جەرلەرىندە تۇمان ءتۇسىپ, جاياۋ بۇرقاسىن سوعۋى مۇمكىن. جەل وڭتۇستىك باتىستان سولتۇستىك باتىسقا اۋىسادى, كەي جەرلەردە 15-20 م/س كۇشەيىپ, كۇندىز ەكپىنى 23 م/س جەتەدى.

23 قاڭتاردا كۇندىز قىزىلوردا قالاسىندا جاياۋ بۇرقاسىن سوعۋى ىقتيمال. جەل وڭتۇستىك باتىستان سولتۇستىك باتىسقا اۋىسادى, كۇندىز ەكپىنى 15-20 م/س جەتەدى.

23-24 قاڭتاردا تۇندە سولتۇستىك قازاقستان وبلىسىندا اۋا تەمپەراتۋراسى مينۋس 30-35-كە دەيىن تومەندەۋى مۇمكىن. 24 قاڭتاردا تۇندە كەي جەرلەردە 40 گرادۋس قاتتى اياز بولادى.

23 قاڭتاردا تۇندە پەتروپاۆلدا اۋا تەمپەراتۋراسى مينۋس 32-34 دەيىن تومەندەيدىى, 24 قاڭتاردا تۇندە 37-39 گرادۋس قاتتى اياز بولۋى ىقتيمال.

23 قاڭتاردا قاراعاندى وبلىسىنىڭ كەي جەرلەرىندە بوران سوعادى, تۇمان ءتۇسىپ, كوكتايعاق بولۋى مۇمكىن. جەل وڭتۇستىك باتىستان سوعادى, 15-20 م/س دەيىن كۇشەيەدى.