ايماقتار • 22 قاڭتار، 2021

تۇركىستاندا 1361 داۋ مەدياتورلاردىڭ قاتىسۋىمەن وڭ شەشىلگەن

17 رەت كورسەتىلدى

تۇركىستان وبلىسىندا 300-گە جۋىق مەدياتور بار.  ولاردىڭ 90 پايىزى كاسىبي ەمەس، بىراق بەدەلى، ومىرلىك تاجىريبەسى مول ابىرويلى ازاماتتار. قوعامدىق مەدياتورلار اۋىل-ايماقتاعى اس-جيىنداردا، باسقوسۋلاردا وتباسىلىق قۇندىلىقتار، قورشاعان ورتاعا قۇرمەت تۋرالى ءتالىمدى اڭگىمەلەر ايتادى.

داۋ تۋىنداعان جاعدايدا اعايىن-تۋىس، كورشى-قولاڭ، دوس-جاران اراسىنا ءتۇسىپ، باسۋ ايتىپ كەلەدى. وسىلايشا ولار ماسەلەنى ۇلكەن داۋ-جانجالعا جەتكىزبەي، تاراپتاردى تاتۋلاستىرىپ، ورتاق مامىلەگە كەلۋىنە سۇبەلى ۇلەس قوسۋدا.

وتكەن جىلى ۇيىمداستىرىلعان ءىس-شارالاردىڭ ناتيجەسىندە وبلىس بويىنشا 1361 داۋ مەدياتسيا ءراسىمى ارقىلى سوتقا دەيىنگى جانە سوت بارىسىنداعى تارتىپپەن، مەدياتورلاردىڭ قاتىسۋىمەن وڭ شەشىلگەن. قازاقستان حالقى اسسامبلەياسىنىڭ تۇركىستان وبلىسى بويىنشا مەدياتسيا كەڭەسىنىڭ كەزەكتى وتىرىسىندا مەدياتسيا كەڭەسىنىڭ توراعاسى عاني رىسبەكوۆ وڭىردە بولعان قىلمىستار مەن وتباسىلىق جانجالداردى شەشۋدەگى مەدياتورلاردىڭ ىقپالى تۋرالى باياندادى.

«وتكەن جىلعى كارانتين بارىسىندا مۇعالىم مەن وقۋشى، ۇستاز بەن اتا-انا اراسىنداعى شيەلەنىس كۇردەلى جايتكە اينالدى. بيىل ماسەلەلەردى شەشۋگە مودەراتورلىق جاساقتىڭ جوسپاردان اۋىتقىماي اتقارىلۋى ارنايى ماماندارعا تاپسىرىلادى»، دەدى ع. رىسبەكوۆ.

ال وڭىردەگى مەدياتسيا ينستيتۋتىن دامىتۋ باعىتىندا اتقارىلعان جۇمىستار تۋرالى بايانداعان تۇركىستان وبلىستىق سوتىنىڭ سۋدياسى باۋىرجان تاڭىربەرديەۆ ورىن العان قىلمىس، زاڭبۇزۋشىلىق فاكتورلارىنا توقتالىپ ءوتتى.

«تۇرعىندار اراسىندا تۋعان داۋ-دامايدى شەشۋدە جۇرت اۋىل اقساقالدارىنا نەمەسە زاڭنان حابارى بار تۇلعالارعا جۇگىنەدى. بۇقارانىڭ قۇقىق قورعاۋ ورگاندارىنا جۇگىنۋدەن قاشقاقتايتىندىعى دا بار. وسى ورايدا حالىقتىڭ ساياسي ساۋاتتىلىعىن ارتتىرۋ كەرەك»،  دەدى ب. تاڭىربەرديەۆ.

سونداي-اق «جاستار رەسۋرستىق ورتالىعى» باسشىسى امالبەك ءومىرتاي جاستار اراسىندا ءجيى  كەزدەسەتىن پروبلەمالاردى اتاپ، ولاردى شەشۋ جولدارىن جەتكىزدى.

 

 

تۇركىستان وبلىسى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار