قوعام • 22 قاڭتار، 2021

تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ ەرەجەلەرى ءتۇسىندىرىلدى

147 رەت كورسەتىلدى

22 قاڭتار كۇنى ساعات 14.30-دا ورتالىق كوممۋنيكاتسيالار قىزمەتىنىڭ الاڭىندا «تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ قاعيدالارىن ءتۇسىندىرۋ تۋرالى» ءباسپاسوز كونفەرەنتسياسى ءوتتى، دەپ حابارلايدى Egemen.kz.

يندۋستريا جانە ينفراقۇرىلىمدىق دامۋ مينيسترلىگى وسى جىلدىڭ 21 قاڭتارىندا تۇرعىن ءۇي جاعدايلارىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ ەرەجەلەرىن بەكىتتى.

ازاماتتار وزدەرىنىڭ زەينەتاقى جيناقتارىنىڭ ءبىر بولىگىن:

- كەپىلدىك بولعان كەزدە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتار بويىنشا تۇرعىن ءۇي ساتىپ الۋ كەزىندە نەمەسە اكت بولعان كەزدە كوپپاتەرلى تۇرعىن ۇيدەگى ۇلەستى بەرۋ تۋرالى شارت جاساسۋ كەزىندە، سونداي-اق جەر ۋچاسكەسىن ساتىپ الۋدى قوسا العاندا، جەكە تۇرعىن ءۇي سالۋ ءۇشىن تولىق ەسەپ ايىرىسۋ;

- يپوتەكالىق قارىز الۋ، تۇرعىن ءۇي ساتىپ الۋ، بەرەشەكتى وتەۋ، بانكتەر ارقىلى يپوتەكانى قايتا قارجىلاندىرۋ ءۇشىن باستاپقى جارنا رەتىندە;

- تۇرعىن ءۇي قۇرىلىس جيناقتارى جۇيەسى بويىنشا جەر ۋچاسكەسىن ساتىپ الا وتىرىپ، تۇرعىن ءۇي ساتىپ الۋعا نەمەسە جەكە تۇرعىن ءۇي سالۋعا ارنالعان يپوتەكا بويىنشا بەرەشەكتى الۋ، قايتا قارجىلاندىرۋ وتەۋ;

- يسلام بانكىنىڭ قارجىلاندىرۋى شەڭبەرىندە تۇرعىن ءۇي ساتىپ الۋ جانە وسىنداي قارجىلاندىرۋ بويىنشا بەرەشەكتى وتەۋ;

- تۇرعىن ءۇي قۇرىلىسى جانە داعدارىسقا قارسى باعدارلامالاردىڭ شەڭبەرىندە ساتىپ الۋ قۇقىعىمەن بەرىلگەن باسپانانى ۇزاق مەرزىمدى جالداۋ شارتتارى بويىنشا بەرەشەكتى وتەۋ ءۇشىن پايدالانۋىنا رۇقسات ەتىلەدى.

تۇرعىن ءۇيدى جوندەۋ جۇمىستارىنا ءبىر بانكتىك قارىز شارتى شەڭبەرىندە يپوتەكاعا قارىز العان كەزدە  جول بەرىلەدى.

قولدانىستاعى زاڭ شەڭبەرىندە زەينەتاقى جيناقتارىن ماقساتسىز پايدالانعانى ءۇشىن جاۋاپكەرشىلىك جانە تۇرعىن ءۇي الۋشىنىڭ جۇبايى مەن جاقىن تۋىستارىنان باسپانا ساتىپ الۋى بويىنشا شەكتەۋلەر قاراستىرىلعان.

5 جىلدان استام وتەۋ مەرزىمى بار بىرجولعى زەينەتاقى تولەمدەرىن پايدالانا وتىرىپ، مەنشىككە رەسىمدەلگەن، وتەلمەگەن بەرەشەگى بار يپوتەكالىق تۇرعىن ءۇيدى 5 جىل ىشىندە وتكىزۋگە جول بەرىلمەيدى.

«وتباسى بانك» جانە ەكىنشى دەڭگەيدەگى بانكتەر ازاماتتارعا تۇرعىن ءۇي جاعدايلارىن جاقسارتۋعا ارنالعان بىرجولعى زەينەتاقى تولەمدەرىن جۇزەگە اسىرۋ جونىندەگى ۋاكىلەتتى وپەراتورى بولا الادى.

ەتسق (ەلەكتروندىق-تسيفرلىق قولتاڭبا) ارقىلى نەمەسە وزگە ەلەكتروندىق تاسىلمەن ۋاكىلەتتى وپەراتوردىڭ ينتەرنەت - رەسۋرسىندا اۆتوريزاتسيالاۋ، جەكە كابينەت اشۋ جانە ارنايى شوت اشۋعا ءوتىنىم بەرۋ ماڭىزدى.

ارنايى شوتتى اشقاننان كەيىن ونىڭ ءنومىرىن، پايدالانۋ ماقساتىن، قولجەتىمدى سومانى، جەكە تابىس سالىعىن ۇستاپ قالۋ جانە اۋدارۋ تاسىلدەرىن كورسەتە وتىرىپ، تولەمگە ەلەكتروندىق وتىنىشتەردى تولتىرۋ قاجەت.

تولەم الۋعا «وتباسى بانك» ارقىلى جۇگىنگەن جاعدايدا قۇجاتتار 45 جۇمىس كۇنى ىشىندە ۇسىنىلادى، ال ءوتىنىش ەكىنشى دەڭگەيدەگى بانكتەر ارقىلى بەرىلگەن جاعدايدا قۇجاتتاردى دەرەۋ ۇسىنۋ قاجەت.

سونىمەن بىرگە، 2021 جىلدىڭ 23 قاڭتارىنان باستاپ «وتباسى بانك» زەينەتاقى جيناقتارىن پايدالانۋعا وتىنىمدەردى قابىلداۋ ءۇشىن ونلاين-پلاتفورمانى ىسكە قوسادى، ول دۇيسەنبىدەن سەنبىگە دەيىن قوسا العاندا 9:00-دەن 21:00-گە دەيىن جۇمىس ىستەيدى، جەكسەنبى - دەمالىس كۇنى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار