ايماقتار • 22 قاڭتار، 2021

ماقتارالدا كوكتەمگى ەگىس جۇمىستارى باستالدى

5 رەت كورسەتىلدى

ماقتاارال اۋدانىنىڭ شارۋالارى قاڭتاردىڭ قاق ورتاسىندا ديقانشىلىقتى باستاپ كەتتى، دەپ حابارلايدى  Egemen.kz تۇركىستان وبلىسى اكىمىنىڭ ءباسپاسوز قىزمەتىنە سىلتەمە جاساپ.

ەرتە ءونىم بەرەتىن قىرىققابات داقىلىن ەگۋ ناۋقانىنا قازىردىڭ وزىندە 10-نان استام بريگادا قاتىسىپ، قىزۋ جۇمىستار جۇرگىزىلۋدە.

قاڭتاردىڭ جاۋىن-شاشىنىنا قاراماستان ەگىستىك القاپتا جۇمىس جاساپ جاتقان ديقانداردىڭ جاي-كۇيىنەن حابار الۋ ءۇشىن اۋدان اكىمىنىڭ ورىنباسارى ساكەن سۇلتانحانوۆ پەن اۋداندىق اۋىل شارۋاشىلىى ءبولىمىنىڭ باسشىسى عالىم دۇيسەنبەكوۆ «سابىر» شارۋا قوجالىعىنا باردى.

شاعىر كۋشەرباەۆتىڭ باسشىلىعىنداعى قوجالىقتىڭ ەنشىسىندە 12،2 گەكتار جەر بار بولسا، سونىڭ 3 گەكتارىنا قىرىققابات داقىلى ەگىلىپ جاتىر. 60 ادامنان قۇرالعان بريگادا قاڭتاردىڭ ءاربىر كۇنىن ءتيىمدى پايدالانۋدا.

«جۇمىسشىلارعا كۇنىنە 3200 تەڭگەدەن ەڭبەكاقىسىن تولەپ وتىرمىز. قىرىققاباتتىڭ يزرايل ەلىنەن شىققان «ۆاليكور» اتتى سورتىن تامشىلاتىپ سۋارۋ تەحنولوگياسىمەن ەگىپ جاتىرمىز. نەگىزىنەن ەككەن ەگىنىمىز ەكى ايدىڭ كولەمىندە ءپىسىپ، جەتىلەدى. ەگىلگەن كوشەتتىڭ ءۇستىن ارنايى جاپقىشپەن جاۋىپ، جاۋىن-شاشىننان قورعايمىز. ەڭ باستىسى – كۇتىپ-باپتاۋعا ۇلكەن ءمان بەرىلۋى كەرەك»، – دەدى ش. كۋشەرباەۆ.

ديقانداردىڭ ايتۋىنشا، ەرتە پىسەتىن قىرىققابات ونىمىنە ەۋروپالىقتار مەن رەسەيلىكتەر تاراپىنان سۇرانىس جوعارى. قازىردىڭ وزىندە ماقتاارال اۋدانىندا 10 گەكتاردان استام جەرگە قىرىققابات ەگىلىپ ۇلگەرگەن. جالپى، قىرىققابات داقىلى ەرتە پىسەتىندىكتەن، ماقتاارالدىق ديقاندار ونىڭ سوڭىنان قاۋىن-قاربىز، ماقتا، تاعى دا باسقا داقىلدار ەگۋگە كىرىسەدى. وسىلايشا شارۋالار ءبىر جىلدا جىلدا ەكى رەت، ءتىپتى ءۇش رەت ءونىم الادى.

ايتا كەتەيىك، بيىل 1342 گەكتار القاپقا كوكونىس، سونىڭ 500 گەكتاردان استامىنا قىرىققابات ەگىلمەك.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار