قوعام • 22 قاڭتار، 2021

ەلوردادا 7 ميلليوننان استام مەملەكەتتىك قىزمەت كورسەتىلدى

4 رەت كورسەتىلدى

نۇر-سۇلتاندا وتكەن جىلعى تسيفرلاندىرۋ ناتيجەلەرى بەلگىلى بولدى. 2020 جىلى ەلوردانى «اقىلدى قالاعا» اينالدىرۋعا باعىتتالعان جوبالاردى ىسكە اسىرۋ بويىنشا ۇلكەن جۇمىس اتقارىلدى. ماسەلەن، وتكەن جىلى مەملەكەتتىك قىزمەتتىڭ 100%-ى ونلاين فورماتقا اۋىستىرىلدى، ال «iQala» ورتالىعى تاۋلىك بويعى رەجيمدە 151 قىزمەتتى تىكەلەي ۇسىنادى. قازىرگى ۋاقىتتا قالا اكىمدىگى 159 مەملەكەتتىك قىزمەت كورسەتەدى. 2020 جىلى 7 ملن-عا جۋىق قىزمەت كورسەتىلدى، ونىڭ ىشىندە 6 ملن-نان استامى — ەلەكتروندىق فورماتتا، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

سونداي-اق، اكىمنىڭ تاپسىرماسىنا سايكەس ەلوردا اكىمدىگى جانىنان تسيفرلاندىرۋ بويىنشا IT-كەڭەس قۇرىلدى، ونىڭ اياسىندا حالىقتىڭ تىنىس-تىرشىلىگىن جاقسارتۋ ءۇشىن IT-شەشىمدەر ەنگىزىلدى.

قالا تۇرعىندارىنىڭ قاۋىپسىزدىگى ماقساتىندا 2020 جىلى «قاۋىپسىز قالا» پيلوتتىق جوباسى ىسكە قوسىلدى. بۇگىندە پيلوتتىق جوبا ىسكە اسىرىلۋ ساتىسىندا تۇر.

ايتا كەتۋ كەرەك، 2020 جىلدىڭ نەگىزگى ناتيجەلەرىنىڭ ءبىرى — نۇر-سۇلتاننىڭ زياتكەرلىك كولىك جۇيەسى IDC حالىقارالىق كومپانياسىنىڭ نۇسقاسى بويىنشا ەۋروپا، تمد جانە ورتالىق ازيا ەلدەرى اراسىندا كوشباسشى بولدى.
2021 جىلعا قالانى تسيفرلىق جاڭعىرتۋ بويىنشا بىرقاتار ستراتەگيالىق مىندەتتەر بەلگىلەندى.

1. اكىمدىكتىڭ IT-ارحيتەكتۋراسىن ازىرلەۋ. ساۋلەت تسيفرلىق ترانسفورماتسيانى جۇرگىزۋ جانە اكىمدىك قىزمەتى ءۇشىن مەملەكەتتىك ورگاندى اقپاراتتاندىرۋدىڭ اعىمداعى جانە جوسپارلاناتىن جاي-كۇيىنىڭ سيپاتتاماسىن قامتيتىن بولادى.

2. تۇرعىننىڭ بىرىڭعاي كارتاسى جوباسىن ىسكە اسىرۋ الەۋمەتتىك سالاعا باعىتتالعان بيۋدجەت قاراجاتىن جۇمساۋدىڭ تيىمدىلىگىن ارتتىرۋعا مۇمكىندىك بەرەدى. مىسالى، جەڭىلدىكتەر الۋشى كولىك، ءدارىحانالار، دۇكەندەر، تكش، مەكتەپتەر، بالاباقشالار ساناتتارى بويىنشا بەلگىلى ءبىر قىزمەتتەرگە اقى تولەي الادى. سونداي-اق مەملەكەتتىك قىزمەتتەردىڭ ساپاسىن ارتتىرۋ، ءارتۇرلى باسقارۋ ورگاندارىنىڭ اۆتوماتتاندىرىلعان جۇيەلەرىنىڭ ينتەگراتسياسى مەن ءوزارا ءىس-قيمىلىن قامتاماسىز ەتۋ.

3. اقپاراتتىق قاۋىپسىزدىكتىڭ جەدەل ورتالىعى. نۇر-سۇلتان قالاسى اكىمدىگىنىڭ ەلەكتروندىق اقپاراتتىق رەسۋرستارىن، اقپاراتتىق جۇيەلەرىن، تەلەكوممۋنيكاتسيا جەلىلەرىن جانە باسقا دا اقپاراتتاندىرۋ وبەكتىلەرىن قورعاۋ جونىندەگى قىزمەتتى جۇزەگە اسىراتىن بولادى.

4. «اقىلدى شلاگباۋم» جوباسىن دامىتۋ.

2020 جىلى بىرنەشە پيلوتتىق جوبا ىسكە قوسىلدى، ولاردىڭ ءبىرى – «اقىلدى شلاگباۋم» جوباسى. شلاگباۋمعا ورناتىلعان جۇيە تاۋلىكتىڭ كەز كەلگەن ۋاقىتىندا جەدەل جاردەم جانە باسقا دا جەدەل ارەكەت ەتۋ قىزمەتتەرى ءۇشىن شلاگباۋمداردىڭ اۆتوماتتى تۇردە اشىلۋىن قامتاماسىز ەتۋگە مۇمكىندىك بەرەدى. بيىل وسى باعىت بويىنشا جۇمىستار جالعاساتىن بولادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار