اقتوبە وبلىسىنداعى كەنىشتەگى جازاتايىم وقيعانىڭ سەبەبى انىقتالدى

ايماقتار • 22 قاڭتار، 2021

اقتوبە وبلىسىنداعى كەنىشتەگى جازاتايىم وقيعانىڭ سەبەبى انىقتالدى

9 رەت كورسەتىلدى

اقتوبە وبلىسىنىڭ حرومتاۋ اۋدانىنداعى «ۆەسەننە – ارالچينسكي» جەراستى كەنىشىندەگى توپتىق جازاتايىم وقيعانىڭ ءمان-جايىن تەرگەپ-تەكسەرۋ ءۇشىن قر ەڭبەك جانە حالىقتى الەۋمەتتىك قورعاۋ مينيسترلىگى قۇرعان كوميسسيا 4 جۇمىسشىنىڭ قازا بولۋىنىڭ نەگىزگى سەبەپتەرىن انىقتادى، دەپ حابارلايدى Egemen.kz.

Marzhan Tileubekova

بۇدان بۇرىن حابارلانعانداي، جازاتايىم وقيعا 2020 جىلعى 30 جەلتوقساندا كەشكە جارىلىس جۇمىستارىن ورىنداۋ كەزىندە ورىن العان. «اقتوبە مىس كومپانياسى» جشس قىزمەتكەرلەرى: تاۋ-كەن شەبەرى اسحات قايقانوۆ، جارۋشىلار رۋستام شامەتوۆ پەن دەنيس چەرنىي، جەراستى وزدىگىنەن جۇرەتىن ماشينالاردىڭ ءماشينيسى بەرىك جاقىپوۆ وقيعا قۇرباندارى بولدى.

ەڭبەكمينى توپتىق جازاتايىم وقيعانىڭ ءمان-جايلارى مەن سەبەپتەرىن تەرگەپ-تەكسەرۋ ءۇشىن اقتوبە وبلىسى بويىنشا باس مەملەكەتتىك ەڭبەك ينسپەكتورى سالامات امانباەۆتىڭ توراعالىعىمەن ارنايى كوميسسيا قۇردى.

وسى جازاتايىم وقيعاعا اكەپ سوققان ءمان-جايلاردى جان-جاقتى جانە وبەكتيۆتى زەردەلەپ، كۋاگەرلەردەن سۇراۋ بارىسىندا جينالعان بارلىق دالەلدەمەلەر بازاسىن ەسكەرە وتىرىپ جانە جۇمىس بەرۋشىنىڭ تەحنيكالىق قۇجاتتاماسى مەن ماتەريالدارىن زەردەلەۋ ناتيجەلەرى بويىنشا كوميسسيا وسى جازاتايىم وقيعا وندىرىسپەن بايلانىستى دەگەن قورىتىندىعا كەلدى.

كوميسسيا مىناداي نەگىزگى سەبەپتەردى انىقتادى: جۇمىسكەرلەردىڭ وزدەرىنىڭ ورەسكەل ابايسىزدىعى; جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ ەرەجەلەرىن بۇزۋى; جۇمىس ءوندىرىسىنىڭ تيىسىنشە ۇيىمداستىرىلماۋى.

كوميسسيا مۇشەلەرى قازا تاپقان قىزمەتكەرلەردىڭ تۋىستارىمەن كەزدەسىپ، ولارعا قولدانىستاعى زاڭناماعا سايكەس الەۋمەتتىك قورعاۋعا زاڭدى قۇقىقتارىن ءتۇسىندىردى.

ارنايى تەرگەپ-تەكسەرۋ ماتەريالدارى پروتسەستىك شەشىمدەر قابىلداۋ ءۇشىن اقتوبە قالاسىنىڭ قۇقىق قورعاۋ ورگاندارىنا بەرىلدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز